No ta permití pa keda para na snèk.

KOMUNIKADO DI PRENSA
112 / 2021
16 mart 2021
No ta permití pa keda para na snèk.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Konforme e reglanan ku gobièrnu a ahustá den kuadro di medidanan di Covid-19, no ta
permití klientenan pa para na snèk.
Tur kliente ku bishitá un snèk pa kumpra algu, mester kumpra esaki i kita for di e sitio, asina
ku el a kaba di wòrdu sirbí.
No ta permití pa konsumí ni bebida ni kuminda pará na snèk.
Tampoko ta permití pa hasi uso di asientonan manera krùk òf banki movibel na snèknan.
Esaki ta konta tambe pa tokonan na unda tin banki òf stul pone na porta.
Únikamente na snèknan ku ta disponé di un terasa na unda tin stul i mesa, klientenan por
sinta kome i/o bebe. Tene na kuenta ku no ta permití mas ku 4 persona sintá na un mesa.
Den próksimo dianan outoridat lo bai aktua kontra di e situashonnan aki.