Partido Democraat ta hasi bishita serka Curaçao Chinese Enterprise Union. Idioma chines riba dokumento, website i páginanan sosial ofisial di gobièrnu mester bira un posibilidat.

Partido Democraat ta hasi bishita serka Curaçao Chinese Enterprise Union.

 

Idioma chines riba dokumento, website i páginanan sosial ofisial di gobièrnu mester bira un posibilidat.

 

Un di e último seri di bishitanan ku nos di Partido Democraat a hasi ku organisashonnan den nos komunidat promé ku elekshon dia 19 di mart ta esun ku Curaçao Chinese Enterprise Union.
Nos a reuní ku sr. Sr Hongliang Li Mo (William Li) i Sr. Chik Ton Chan.

Nos a elaborá riba temanan manera siguridat den nos komunidat i kon pa mehorá esaki. Ainda tin atrakonan ta tumando lugá riba komersiantenan Chines riba un base diario. Un otro punto ku ta prekupá e komersiantenan ta e echo ku e sistema di impuesto ta muchu kompliká. Mester bin un simplifikashon den esaki.

Por lo demas nos a elaborá riba entro otro e posibilidat pa pone e idioma chines riba dokumento, website i páginanan sosial ofisial di gobièrnu i tambe kon pa traha un plan pa atraé mas turista di China.

 

Na tur un enkuentro plasentero i ameno.