SINDIKATO DOEN *AKSHON ‘SAFETY FIRST’ ENTRANTE MAÑAN 24 DI MART 2021!*

SINDIKATO DOEN
*AKSHON ‘SAFETY FIRST’ ENTRANTE MAÑAN 24 DI MART 2021!*
Awe nochi durante nos zoom meeting ku mas di 300 kolega partisipante Sindikato DOEN a kanta akshon ‘safety first’ entrante mañan 24 di mart 2021!
‘Safety first’ ta enserá ku seguridat di nos mes, nos famia i nos alumno i studiantenan ta na promé lugá!
*Situashon ta serio!*
*Ban atend’é komo tal!*
Den un situashon den kua salubridat di nos pais ta bou di un preshon enorme i kasi pa kolapsá nos no ta konsiderá ni responsabel ni hustu pa hinka nos mes, nos famia, ni nos alumno i studiantenan den e situashon organisatoriamente kaótiko ku a keda presentá awe pa gobièrnu.
Siguiendo loke gobièrnu a anunsiá awe i tumando nota e falta di preparashon organisatorio na nivel di pais, pa nos ta insólito pa sigui brinda enseñansa bou di e sirkunstanshanan akí.
Shelter at home, plachi di dia i e forma kon a organisá e eksonerashon pa trahadónan den enseñansa esaki lo nifiká entrante 24 di mart 2021 awor pa nos komo trahadó, shelter at home, plachi di dia i prisionero na skol. NO POR! INSÓLITO!
*NO MAS!*
No a tene kuenta ku realidat organisatorio ni kua kontenido ni kua struktura di nos sistema di enseñansa.
E mesun trahadó den enseñansa ku a brinda enseñansa tur tempu mandando man saku pa yuda enseñansa, ku a kòrta 12,5% den nan kondishonnan laboral i den e kuadro akí ta imponiendo pa e entregá 36 di su oranan liber, awe ta tende ku e ta vital i pues tin ku bai traha den lock down. Sin niun klase di guia, ni invershon, ni preparashon debido. NO POR! NOS NO TA ASEPTÁ MAS!
“Abase di esaki konhuntamente nos a skohe pa kanta akshon ‘safety first’, konsiderando mas ku klaro e skolnan den toetsweek! Pa mas informashon i instrukshon tuma kontakto ku shopsteward òf miembro di direktiva di DOEN.
*Direktiva di Sindikato DOEN*
23 di mart 2021

This site uses Akismet to reduce spam. Learn how your comment data is processed.

error: Content is protected !!
%d bloggers like this: