Servisio di Atmishon ta será

March 25, 2021 REDAKSHON

Servisio di Atmishon ta será

Geplaatst op 25 March 2021 dor di Ministerio Hustisia

WILLEMSTAD – Den kuadro di e lockdown ku a keda anunsiá pa Gobièrnu, Servisio di Atmishon ta informá ku su ofisina ta será.

Entregá di petishon
Personanan ku mester entregá un petishon pa nan pèrmit por sigui hasi esaki via di intake@immigrationcur.org. Si tin usuario ku ta deseá di risibí informashon general pa ku entregá di petishon, mester manda esaki na info@immigrationcur.org.

Integrashon Responsabel
E usuarionan ku ta apliká pa Integrashon Responsabel mester hasi esaki via di e website www.immigrationcur.org. Si ta deseá informashon pa ku e proyekto akí mester bishitá e website ya menshoná.

Otorgá título di residensia
Usuarionan ku tin sita den e dos simannan di lockdown ta keda kanselá. E personanan akí ta risibí un sita nobo na momentu ku nos ofisina habri bèk.

Entrega di apelashon
Usuarionan ku kier entregá un apelashon mester manda esaki na info@immigrationcur.org. Pa entrega di dokumentunan adishonal pa e apelashon, mester manda esakinan na mésun e-mail adrès. Pa por kontrolá si un petishon a keda prosesá, por hasi esaki via di https://gobiernu.cw/petishonnan-prosesa/.