Toastmasters na Banda Bou
Willemstad, Curaçao, 24 mart 2021
Toastmaster ta e plataforma internashonal ku ta brinda su miembronan oportunidat pa desaroya su mes de un ambiente amikal riba liderazgo i komunikashon i oradó. E biaha aki Toastsmasters ta trese e organisashon aki mas serka di kas pa habitantenan di Banda Bou.
Djasabra awor tin un reunion di demostrashon via Zoom. Bo ke traha riba bo desaroyo personal? Kisas esaki ta algu pa bo! Bo ta kordialmente invitá pa eksperiensiá kiko Toastmasters tin pa ofresé bo. Pa e reunion aki bo mester di solamente konekshon ku internèt riba bo aparato sea telefòn mobil, tablet, lèptòp òf kòmpiuter. Si bo no tin Zoom riba bo aparato, baha esaki foi internet (play store of I store). Partisipashon ta gratis i por haña mas informashon tokante e link i e kontraseña por tuma kontakto via telefòn òf whatsapp riba: 512-5972 òf 565-1954. Reservá djasabra awor 27 di mart 10or di mainta pa 12or di merdia via Zoom. Tuma bo desaroyo den bo man! Toastmasters ta un plataforma internashonal garantisá. Nos ta warda bo.
Na nòmber di
Area 5 Divishon A Distrito 81
Club Gowth Advisor
Silvana Willems Trinidad DTM
Pa mas informashon por bishitá Toastmasters International www.toastmasters.org. òf Caribbean toastmasters https://www.caribbeantoastmasters.com