PIN a tuma nota ku hopi hende no ta na altura di e puntonan ku PIN a trese dilanti serka Konseho Supremo Elektoral(KE).

PIN a tuma nota ku hopi hende no ta na altura di e puntonan ku PIN a trese dilanti serka Konseho
Supremo Elektoral(KE).

Na promé luga PIN a haña hopi reklamo di hende ku ta bisa ku nan a vota riba un papel pretu i blanku. Nan
ta mustra, ku Presidente di KE a bisa 19 di mart último ku nan voto ta invalido. P’esei nos a manda un email
21 di mart 2021 pa KE i mustra ku na nos opinion KE mester konta votonan riba papel pretu i blanku komo
valido. Dia 24 di mart presidente di KE tabata bai terminá e reunion entre KE i partidonan, sin a atendé e
partikularidat aki. PIN a pidi pa inkluí nos karta den e procesverbaal. A resultá ku mas partido i votado
tabatin opheshon a base di diferente argumento.
Entretantu KE a informá ku e la disidí ku tur voto, tambe riba papel pretu i blanku, ta valido.
Na di dos lugá nos a haña reklamo di algun votado ku nan a votá na sierto urna, pero nan no a mira nan
voto. E kehonan aki tambe nos a pasa den un di dos email pa KE.
KE i partidonan a palabrá ku KE ku nan ta saka nan relato dentro di un siman i ku tur partido lo haña
oportunidat pa tuma nota. Despues KE lo pone un di dos reunion pa e determiná e resultado final di
elekshon.
Ta bon pa para ketu na e hecho ku ta bastante hende ta konvensí ku nan a haña un papel pretu i blanku. KE
den su relato lo mester para ketu na e issue aki i kon ta establesé konfiansa den e resultado di elekshon.
PIN ta lamentá ku durante di un prosedura di análisis di e proseso di elekshon, algun hende ta purba tacha
entegridat di miembronan di KE.
PIN ta di opinion ta tempu pa regresá na e forma di elekshon digital, ku ta print e voto riba un papel ku ta
bai den buzon. Asina tin un kontrol dòbel riba e resultado di elekshon.
Pa mas informashon riba e komunikado aki: Christopher Maduro-5141375 / Giorgio Broos-5120070,
miembero di direktiva di Partido PIN