Kaso di atrako ku detenshon.

KOMUNIKADO DI PRENSA 131 / 2021
31 mart 2021
Kaso di atrako ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 30 di mart 2021 alrededor di 15.40 or, Sentral di Polis a dirigí unidatnan polisial na
un minimarket riba Weg naar Westpunt na altura di Gato pa un kaso di atrako.
Dos hòmber ku kara tapa a drenta den e establesimentu i bou di menasa ku machete i arma
di kandela, e duo a bai ku e.o. sèn for di e sitio. Despues di nan akto nan a hui bai den un kia
picanto koló maron.
Polis ku a yega rápidamente na e sitio, despues di un buskedá kòrtiku den kaya Guarani a
bin topa ku e outo ariba menshoná i e dos hòmbernan sospechoso.
Durante un kontròl den e outo a haña sèn kèsh, un machete i un arma di kandela. Tantu e
outo komo e machete, arma di kandela i artíkulonan prosedente di e atrako a keda
konfiská.
A detené e dos hòmbernan sospechoso A.B. i H.T.A.O.P. ámbos di 19 aña di edat i nasé na
Kòrsou.
A presentá e duo dilanti di un fiskal ouksiliar ku a ordená nan enkarselamentu pendiente di
mas investigashon.