Promé Online Easter Scavenger Hunt organisá pa FKSA
Promé Online Easter Scavenger Hunt organisá pa FKSA
WILLEMSTAD – Fundashon Kultural Sembra Alegria ku e promé Online Easter Scavenger Hunt na Kòrsou.
Djadumingu próksimo, 4 di aprel 2021, lo bai tin e promé Online Easter Scavenger Hunt, lockdown edition, na Kòrsou. Esaki ta organisá pa Fundashon Kultural Sembra Alegria (FKSA) i mener Selim Eddine ta e pèrsona ku ta na enkargo pa krea e hunt.
Meta di e hunt aki ta pa FKSA rekoudá fondo pa nan por sigui guia, eduká i instruí nos hóbennan. Pasó nan ta kere ku mester invertí mas den nos mes kultura i ku ta sumamente nesesario pa nos kuminsá apresiá nos herensianan kultural i tambe nos historia. P’esei Fundashon Kultural Sembra Alegria ta un fundashon ku ta kontribuí na krea talentonan i stimulá mas amor pa nos historia i kultura serka nos hóbennan. FKSA ta kere ku un pais sin kultura ta un pais sin identidat.
E “Online Easter Scavenger Hunt” ta kosta 100 florin pa un máksimo di kuater pèrsona den un grupo. Mucha for di 7 aña bai ariba por partisipá. Pues forma bo grupo ku bo famia-, amigu- i/òf konosínan. E grupo por ta konsistí di pèrsonanan den mesun kas ku bo pero tambe di otro hende ku no ta biba huntu ku bo. Abo tras di bo kòmpiuter/telefòn i e tras di esun di dje pero trahando huntu komo un tim.
E dia aki bo tin chèns pa gana hopi premio manera: 750 florin cash, daypass na Corendon Mangrove Hotel, photoshoot ku Opourier i hopi mas. Pa inskribí i/òf haña mas informashon por bai riba Facebook di Sembra Alegria i klek riba e link. Tambe por tuma kontakto via di e number di app: +599 9 688 3190.
Fundashon Kultural Sembra Alegria ke yama danki na tur nan spònsernan i alabes invitá tur hende ku no a inskribí ainda pa hasi esaki mas pronto posibel.
Djadumingu awor (4 di aprel), Pasku di Resurekshon, lo no bai ta laf mas na kas pasó huntu ku FKSA lo bo pasa un atardi tremendo.
