𝐁𝐫𝐚𝐧𝐭𝐰𝐞𝐫 𝐊ò𝐫𝐬𝐨𝐮 𝐭𝐚 𝐝𝐮𝐧𝐚 𝟐𝟓𝟓 𝐚𝐬𝐢𝐬𝐭𝐞𝐧𝐬𝐢𝐚 𝐝𝐮𝐫𝐚𝐧𝐭𝐞 𝐩𝐫𝐨𝐦é 𝐤𝐮𝐚𝐫𝐭𝐚𝐥 𝟐𝟎𝟐𝟏

WILLEMSTAD – Den e periodo di 1 di yanüari 2021 te ku 31 di mart 2021, Brantwer Kòrsou a duna un total di 255 asistensia. For di e kantidat aki, 116 tabata asistensia di kandela i 131 tabata repartí entre reskate i tambe asistensia tékniko.

For di e total di 116 kandela ku Brantwer Kòrsou a duna asistensia durante promé kuartal di 2021, 9 tabata kas na kandela, for di kual mayoriá tabata kas no habitá. Tambe a paga 3 edifisio na kandela, i a paga diferente kandela di mondi, vehikulo na kandela òf tambe “shushi” na kandela. Den e 3 luna(nan) tras di lomba, for di e total di 131 asistensia, 15 tabata trata di un reskate den kual tabata tin peliger di bida di hende òf bestia.

Brantwer Kòrsou ta keda rekòrda komunidat ku pa asistensia di emergensia, mester tuma kontakto ku 911 i pa palu ku kai òf kasonan ménos urgente por bèl na 917.

Nos tei pa 𝐏𝐫𝐞𝐯𝐞𝐧í, 𝐏𝐫𝐞𝐩𝐚𝐫á 𝐢 𝐒𝐢𝐫𝐛í