Nos di House of Worship Hulanda kier presentá dos kansion nobo di e adorashon nan entitulá: “Mi baranka” i “Mi orashon”.

 

 

“Mi baranka” a wòrdu kompositá, areglá i ta wòrdu interpretá dor di Geordy Pieternelle, kompañá pa Proskuneo NL.

E kansion aki a wòrdu inspirá dor di un versíkulo saká for di Salmo 18:1-2. E kansion aki ta rekòrdá nos ku aparte di kualkier situashon ku nos por ta pasando aden, Señor ta nos Baranka, nos Fortalesa, nos Fòrti, nos Eskudo, nos Defensa, nos Salbador i nos Baluarte.

“Mi Orashon” ta wordu interpretá dor di Chanté Richardson, kompañá i areglá pa Wilmar Mook i kompositá pa pastor Chesron Richardson.

E kansion aki ta un orashon i alabes un promesa hasí na nos Dios ku semper nos lo kanta haleluya na Dje, pasobra E ta esun ku den tur sirkunstansia ta warda nos i rondoná nos ku Su kariño.

Tur dos di e kansionnan aki tin su music video. E kansion nan aki por wòrdu skuchá atrabes di Apple music, Spotify, Soundcloud i iTunes. Por wak e music video nan tambe via di e YouTube – channel: House of Worship Hulanda.

House of Worship Hulanda ta konfia ku e kansionan aki lo ta di gran bendishon pa tur ku skuchele I mira e music video nan aki.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: