“Schoenmaker, blijf bij je leest!” pa di 2 bia. Ta importante pa kada profeshonal keda riba nan área.
“Schoenmaker, blijf bij je leest!” pa di 2 bia.
Ta importante pa kada profeshonal keda riba nan área.
TPK a bin ta tuma nota ku tin hopi suidadano i/o profeshonalnan ku a bin ta komentá i/o duna konseho riba maneho di Covid-19 ku no ta konforme e kuadro di nan profeshon.
Konforme e ordenanza di “uitzonderingstoestanden” di 4 di desèmber 2020 “de daartoe aangewezen ambtenaren: opsporingsambtenaren, buitengewoon opsporingsambtenaren en de bij landsbesluit aangewezen toezichthouders” ta esnan ku por sali informá i/o aserká pueblo riba asuntunan ku gobièrnu a stipulá pa nan den kuadro di e ordenanza.
E idea no ta pa krea pániko den pueblo i/o duna Gobièrnu instrukshon via prensa riba ki rumbo Gobièrnu tin di bai den kuadro di e pandemia aktual. Un ehèmpel ta e diskushon riba bakunashon obligatorio di parti dunadónan di trabou. Esaki ta tarea di parlamento i gobièrnu. Es mas, ta bon pa korda un i tur meskos ku a nombra profeshonal nan pa fungi den kuadro di e ordenanza aki pa Gobièrnu, parlamento semper por ‘trek esaki in’ tambe. Paso na niun momentu so no a pidi niun profeshonal pa via prensa konseha gobiernu pa introdusi niun tipo di pasport pa esnan ku a bakuna.
Banda di esaki Gobièrnu konosé su departamentu i ministerionan konserní ku tin di sali na fabor di pueblo i duna informashon riba deber i derechi riba varios tópiko aktual manera, bakuná no ta ‘obligatorio’ i dunadónan di trabou no por obligá trahadó bakuná. Aki ta trata di instanshanan konserní manera “Inspectie” di ministerio di ekonomia (MEO), departamentu di “Epidemiologie” di ministerio di salubridat (GMN) i departamentu di ‘Inspectie’ di ministerio di asuntunan laboral (SOAW). Tur mester bai kaya kumpli ku lokual e ordenanza ta bisa nan kual ta inspekshoná, tene kòntròl i mantené òrdu.
Asina tin mas tópiko ku na pareser di TPK i tambe konforme lei no ta kai bou di tarea di e ‘aangewezen toezichthouders’ nan aki.
TPK kier enfatisá ku ta importante pa rekordá tur hende ku ta e parlamento nobo ku lo sinta na 11 mei 2021 lo tuma desishon si ta alarga of no e ordenanza aktual pa ku e pandemia lamentabel aki.
“Schoenmaker, voor de tweede keer, blijf bij je leest!”
