Karta pa BC di Frakshon M21

Kolegio Ehekutivo di Entidat Públiko Bonaire

Kralendijk Bonaire

 

Apresiabel Kolegio,

 

 

40% di nos poblashon ta biba den pobresa struktural. Ya pa dies­tres aña -igual na kuater gobièrnu na Den Haag- no a stipulá un mínimo sosial pa nos poblashon. Esaki apesar di atvertensia­nan di Raad van State, Kolegio di Derechonan Humano, Defen­sor di Pueblo i Defensor di Mucha i komishonnan speshal (NIBUD i REGIOPLAN). Tambe apesar di moshonnan den Twee­de Kamer i Senado te awe no a bin un ònderstant ni un penshun di behes humano i digno. E bida riba nos islanan ta de­fi­ni­ti­va­mente mas karu ku na Hulanda, pero e seguridat sosial ta keda leu a­tras. Esaki mester stòp.

 

Ami no ta mira nada ku ta legitimá e desigualdat aki. Ni tampoko artíkulo 132a, insiso 4 por hustifiká e desigualdat, miéntras ku a pa­la­brá ku Hulanda ku nos lo krea un nivel di seguridat so­sial (sociaal voorzieningsniveau) akseptabel den Hulanda.

 

Nos ta miembro di e Asosashon di Munisipionan Hulandes (VNG) i mi ta di opinion ku a yega e momento ku nos mester di nan yu­dan­sa pa para e desigualdat aki. Nos islanan ta komparabel ku Texel i Schiermonnikkenoog i mi tin sigur ku eseinan no ta haña otro trato ku e sobrá munisipionan den Hulanda.

 

Komo ku ta trata un tema ku ta riba nivel polítiko/gubernamental mester atendé, mi ta aserká Kolegio ku e petishon pa kon­si­de­rá pa formalmente i basá riba moshonnan di Konseho Insular ri­ba e tema aki aserká e Asosashon pa sosten den e lucha aki. Si na nòmber di tur e mu­ni­si­pio­nan VNG manda un karta pa Gabinete Ruttte IV i mui en espesial pa sekretario di estado Sra. Alexandra van Huffelen i minister Sra. Carola Schouten, mi ta kere ku e ta pone e preshon (polítiko) nesesario pa trese un kambio den e posishon tumá te awor.

 

 

 

Mi ta spera ku mi kontribushon lo ser risibí positivamente i ku e por ta un gesto positivo tambe direkshon di e organisashonnan sosial ekstraparlamentario ku dia 12 awor a organisá un mani­festa­shon ku netamente e meta aki, esta urgi pa stipulá i ehekutá un mínimo sosial entrante 1 di yanüari 2024 ya ku no por mas i ku ta basta awor.

 

 

 

Atentamente,

Désirée Coffie

Lider di frakshon M21