Beehives i IBFF a firma kontratonan pa elekshonnan di Karnaval 2027

Djabierne 23 di òktober 2026 presidente di Beehives, Germain Brunken, huntu ku representantenan di IBFF, Aubrey America i Joël Villareal, a firma e kontratonan relashoná ku organisashon di elekshonnan di Karnaval 2027.

Ku e firma aki, ambas organisashon ta formalisá nan kolaborashon pa realisá elekshonnan di Karnaval 2027.

Beehives ta kontentu ku e kolaborashon aki i ta wak dilanti pa, huntu ku IBFF, kontribuí na un temporada di Karnaval eksitoso, kaminda nos kultura, tradishon i talento lokal ta sigui okupá un lugá sentral.

Den e dianan benidero, lo informá públiko tokante e preparashonnan i detayenan relashoná ku elekshonnan.

Huntu nos ta sigui fortalesé nos Karnaval!