Wind Creek Curaçao ta selebrá éksito di su terser edishon di Long Table Curaçao

Wind Creek Curaçao ta selebrá éksito di su terser edishon di Long Table Curaçao

 

Generosidat di komunidat ta bria: Long Table Curaçao ta rekoudá $50,000 pa sinku organisashon karitativo lokal

 

WILLEMSTAD – 25 di òktober 2026 – E di tres Long Table Curaçao, Wind Creek Curaçao su evento kulinario anual karitativo di un anochi so, a konkluí ku éksito rotundo, uniendo 600 invitado na un eksperensia kulinario pa rekoudá $50,000 dediká na organisashonnan karitativo lokal. Fakturá komo “E úniko plato di kuminda na balor di $39,000 na Kòrsou,” e evento a demostrá e poder di gesto den komunidat, ku $39,000 rekoudá mediante benta di karchi i un $11,000 adishonal kontribuí generosamente dor di Wind Creek Hospitality.

 

E evento tan antisipá un biaha mas a transformá e espasio dilanti di Renaissance Wind Creek Curaçao Resort den un lugá espektakular di kome na aire liber sentrá rònt di e resort su fòntein ikóniko den kurason di sentro di Willemstad. E invitadonan a bini huntu pa un eksperensia kulinario elegante, selebrando e goso di kompartí un kuminda miéntras ta kontribuí na un kousa signifikante.

“Long Table Curaçao ta reflehá nos mishon di bini huntu komo un komunidat pa hasi un diferensia”, asina Averilette Francis, Gerente General di Wind Creek Curaçao a bisa. “Nos ta inkreiblemente orguyoso di mira nos invitadonan, partnernan, i miembronan di tim uni den e spiritu di generosidat aki. Loke ta hasi e evento aki spesialmente signifikante ta di sa ku kada karchi kumprá ta kontribuí direktamente na sostené organisashonnan ku ta hasi un diferensia real den bida di hende na Kòrsou.”

Konstruyendo riba e éksito di su promé dos edishonnan, e di tres evento anual di Long Table Curaçao a sigui kombiná un eksperensia di komementu memorabel ku un propósito poderoso, dunando bèk na komunidat.

E kompetensia di video

Un di e puntonan kulminante di e edishon di e aña aki tabata e re-introdukshon di e kompetensia di video di Long Table Curaçao, ofresiendo tur organisashon karitativo lokal e oportunidat pa partisipá. Pa medio di e kompetensia, organisashonnan karitativo a wòrdu invitá pa entregá un video kòrtiku ku ta mustra nan mishon, e hendenan ku nan ta sirbi, i e impakto di nan trabou riba e isla. E inisiativa a proveé ​​un plataforma pa organisashonnan lokal konsientisá miéntras ta enkurashá e komunidat pa bira aktivamente enbolbí den sostené un kousa serka di nan kurason.

 

A invitá komunidat pa vota pa nan organisashonnan faborito, poniendo e desishon direktamente den man di e komunidat di Kòrsou. Despues di e periodo di votashon públiko, sinku organisashon karitativo a a bai final, i finalmente un organisashon a risibí un nivel abrumador di sosten i a sigurá e kantidat di voto mas haltu.

 

E organisashon karitativo ku a kapturá mas voto a risibí e premio grandi di $15,000, miéntras ku e kuater finalistanan a risibí kada un $8,750, garantisando ku tur sinku organisashon a risibí sosten finansiero signifikante pa sigui ku nan trabou balioso.

 

E sinku organisashonnan karitativo ganadó tabata:

• Premio Grandi – $15.000: Bright Club Curaçao
• Finalista – $8,750: CliniClowns Curaçao
• Finalista – $8,750: Coral Reef Restoration Team Curaçao Foundation
• Finalista – $8,750: SGR Groep
• Finalista – $8,750: Sea Turtle Conservation Curaçao

 

Huntu, e sinku organisashonnan aki a risibí e 50.000 dòler rekoudá pa medio di Long Table Curaçao.

Un Anochi di Komunidat i Konekshon

Ademas di su propósito karitativo, Long Table Curaçao un biaha mas a entregá un anochi memorabel ku a trese invitadonan huntu, lidernan di komunidat, partnernan di negoshi i sostenedornan den un ambiente úniko. E evento ta sigui demostrá kon un eksperensia di kulinario kompartí por trese hende mas serka di otro miéntras ta krea un impakto duradero. Loke a kuminsá komo ekstenshon di Wind Creek Aruba su tradishon kerí di Long Table a krese bira un evento anual signifikativo pa Kòrsou, fortifikando e konekshon entre e resort i nos komunidat.

 

E éksito di e edishon di e aña aki a bira posibel pa medio di e generosidat i dedikashon di Wind Creek Curaçao su invitadonan, spònsernan, partnernan, boluntarionan, i miembronan di tim, kende nan esfuersonan kolektivo a yuda kombertí un anochi ekstraordinario den un sosten signifikante pa organisashonnan karitativo lokal.

 

LONG TABLE CURACAO ta danki na:  Wind Creek Curaçao, Aro Pro, Deli Nova, The Wine Factory, Pieterz Distribution, Grupo ECA, ENNIA, Europe West Indies Trading Company, Viking Curaçao, Dushi Tuk Tuk Rentals, Medical Laboratory Services, Maduro & Curiel’s Bank, HBN Law & Tax, The Sign Shop, Fayad Fruits and Vegetables, Orzal Fruits, Salty Seafood Company, Obelysque Flowers, Building Maintenance Services, BRIO Podcast Network, TeleCuraçao Mulitimedia, Island Distributors, Gilmar Fraites, Bo Printer, Event Services Curaçao, Leañez, Paradise FM, Christopher Bregita, Firgos Curaçao, AymarMP, Ultimate Technicians & Company, Hector Henriquez B., Kortijn, 88Rockorsou, Wasserij Duzu, Luis Alberto, BroSaun, Centrum Supermarket, Carrefout Market, Dynaf, Gazini & Sun Moon, Stitch One, Pulse Curaçao.

—

Pa mas foto di e evento kulinario por bishitá www.facebook.com/LongTableCuraçao.

Pa mas informashon di Wind Creek Curaçao i Long Table Curaçao, por bishitá www.windcreek.com/curaçao.