KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

Kaso di atrako ku detenshon.

 

KOMUNIKADO DI PRENSA 150 / 2021
21 aprel 2021
Kaso di atrako ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 21 di aprel 2021 alrededor di 09.45’or, Sentral di Polis a risibí informashon ku tin
un atrako tumando lugá na un toko riba Ronde Klipweg.
Mesora a dirigí un unidat polisial na e sitio i na nan yegada a topa ku tres hòmber saliendo
for di e toko. Polis a mester a usa su arma reglamentario pa para e hòmbernan aki i un di e
sospechosonan a risibí herida di bala na su pia robes. Na e sitio polis a detené e tres
hòmbernan sospechoso:
 D.P.S. di 46 aña di edat;
 G.A.G. di 31 aña di edat;
 N.J.S.O. di 17 aña di edat, tur tres nasé na Kòrsou.
Ambulans a transportá e sospechoso heridá pa departamentu di emergensia di C.M.C. i
tambe a transportá e dama kasá di doño di e toko ku a keda maltratá pa un di e
sospechosonan.
Kontinuando ku e investigashon parti patras di e toko, polis a haña i konfiská plaka kèsh,
boter di bibida alkohóliko i sigaria ku e hòmbernan a bai ku ne for di e toko i tambe un arma
di kandela.
A presentá e trio dilanti un fiskal ouksiliar ku a ordená nan enkarselamentu pendiente di
mas investigashon.

This site uses Akismet to reduce spam. Learn how your comment data is processed.

%d bloggers like this: