Un beibi ta fayesé den vehikulo

Pa motibu di un deskuido, un tata a bai trabou ku su yu enbes di pasa lag’e na krèsh. E tata tabata tin un dia liber pero trabou a yam’e pa bai traha. Aparentemente e tata ta traha na Hospital i el a baha bai traha lubida e beibi den auto riba parkeerplaats di Hospital. Na momentu ku e tata a regresá na su vehikulo el a realisá ku e beibi a keda den e vehikulo. Kalor i falta di hairu fresku aparentemente lo a okashoná morto di e beibi. Personal di hospital a trata di skapa bida di e beibi pero no a logra. Outoridatnan konserní a tuma e kurpa den beslag. Pas na alma di e defuntu. Forsa na famianan ku e perdida sensibel aki.