PERSONA A BULA FOR DI SHETE PISO
Oranjestad Aruba Un empleado di e propio hotel lo a sera su mes den un di e kambernan, a lock su mes paden y ku intencion menos bon ku su kurpa. Mesora a activa tur personal di polis, ambulanse y brandweer pa asina kuminsa esfuerso maximo di reskate. For di banda di paden a kuminsa komunica ku e persona komo tambe for di e balkon di e diferente kambernan den banda. Tambe a pidi presensia di brandweer pa purba alkansa e persona aki for di e banda di e balkon. Mientras tabata hasiendo tur esfuerso maximo pa mantene komunikashon ku ne, e persona a disidi otro y a bula for di e di shete piso.
Segun testigonan na sitio, por a kompronde ku a sklama na e persona pa no tuma e desision drastiko ey. A duna palabra di aliento, palabra di Dios, palabra di konsuelo y petision pa e no bula. Pero lamentablemente esaki no tabata e kaso. E empleado aki, segun por a kompronde, tabata sufri pa basta tempo kaba ku depresion y lamentablemente awe a perde e bataya kontra e enfermedad devastador aki. Ku ta su propio palabranan ku el a laga atras riba rednan sosial y ku mesora a kuminsa sirkula rond. Sigur un momento difisil pa famia, pero tambe pa koleganan cu a presencia esaki na sitio.