Polis lo sigui kontrolá segun ku ta de-eskalá.

KOMUNIKADO DI PRENSA 158 / 2021
4 mei 2021
Polis lo sigui kontrolá segun ku ta de-eskalá.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
No opstante ku a de-eskalá medidanan den kuadro di Covid-19, Kuerpo Polisial lo
sigui ku kontrolnan, pa asina ei por garantisá ku no ta bai tin aglomerashon ni
tampoko demasiado persona innesesariamente riba kaya.
Polis ta hopi satisfecho ku e komportashon general di públiko te na e momentunan
aki i ta gradisí komunidat pa e komprenshon pa e situashon i e koperashon ku e ta
duna dor di sigui reglanan i òrdu di outoridat.
Sinembargo nos no a yega ainda i e loke ku falta, ta huntu nos mester sigui kana pa
logr’é.
Ta e intenshon ku gradualmente mester yega na normalidat i maneho di òrdu
públiko ta un instrumental den esaki.
P’esei polis lo sigui ehersé kontrol, kaminda lo sigui pone hopi atenshon riba ‘plachi
di dia’, aglomerashon, distansia físiko i Toke de Keda.
Un apelashon ta bai na tur siudadano ku obligatoriamente mester ta riba kaya, pa
trata na proba esaki durante di kontrol, mas tantu posibel di un manera òf otro.
Finalmente nos ke keda hasi un yamada na tur kompatriota, pa laga nos ban sigui
kuida nos mes i otro dor di evitá na sali kas, si no tin un motibu di urgensia òf di
importansia pa esaki.