Hasi petishon pa ‘Rijproef’ via email

Hasi petishon pa ‘Rijproef’ via email

Geplaatst op 07 May 2021 dor di Ministerio Maneho di Gobernashon, Planifikashon i Servisio Públiko

WILLEMSTAD – Departamentu di Reibeweis (Sta. Rosaweg) ta pidi tur persona ku mester pasa ‘rijproef’, esta prueba di kore, pa manda un email na rijbewijzen.puz@gobiernu.cw. Esaki ta pa nan risibí un fecha pa nan prueba.

Via di email so por hasi petishon pa un sita pa pasa e prueba di kore akí. Huntu ku e petishon, mester manda:

• kopia di identifikashon di e kandidato, i
• su number di telefòn pa por tuma kontakto kuné.

Personanan ku mester hasi ‘rijproef’ promé ku renobá nan reibeweis ta:

• Personanan di 80 aña bai ariba, i
• Personanan di kua nan reibeweis tin 1 òf 2 aña vensí.

Ministerio di Maneho di Gobernashon, Planifikashon i Servisio Públiko ta keda hasi su máksimo esfuerso pa por sirbi komunidat mas mihó posibel.