GOBIÈRNU DI BONEIRU I BON BÈRDÈ TA KREA BONAIRE SABAL PALM PARK  / HET BONAIRIAANSE EILANDBESTUUR EN ‘BON BÈRDÈ’  ONTWERPEN BONAIRE SABAL PALM PARK 

 

GOBIÈRNU DI BONEIRU I BON BÈRDÈ TA KREA BONAIRE SABAL PALM PARK 

Kralendijk – Ta bini un Bonaire Sabal Palm Park pa protehá e Palma di Kabana. E parke ta un inisiativa di e organisashonnan Bon Bèrdè, Montgomery Botanical Center, Seacology i Gobièrnu di Boneiru.

 

E “Sabal Palm” òf Palma di Kabana di Boneiru ta úniko den su sorto. Tin aktual 24 palma madurá na Boneiru, pero tiki tiki esaki tambe ta birando ménos. Esaki debí na sekura i pasó kabritu i buriku ta kome e palunan hóben. P’esei e palmanan nobo no por krese i bira grandi. Pa por protehá e tiki palunan ku a sobra mester trese protekshon pa nan di un forma inmediato.

 

Pa skapa e tipo di palmanan aki for di kaba na nada, a diseñá un plan ku no solamente ta protehá e palma úniko aki, pero ku ta pone atenshon tambe riba e área kaminda nan ta krese pa desaroyá esaki na un manera sostenibel pa e sektor di eko-turismo. Segun Diputado Thielman, e vishon di Parke di Sabal ta den e mesun liñanan ku Bonaire Blue Destination i e plan di rekuperashon di turismo kaminda ke trese desaroyo balansá teniendo kuenta ku nos kultura i nos naturalesa. 

 

Ta sera e área kaminda e palmanan aki ta krese den kurá pa tene buriku i kabritu pafó. Esaki ta duna e posibilidat pa por planta mas di e palmanan aki i asina rekuperá e poblashon di Palma di Kabana. Lo kuminsá ku un trayekto edukativo pa mucha i turista. Ta bai hasi mas estudio tokante kresementu di e palmanan. E idea ta tambe pa monitoriá i kultivá e tipo di palma aki pa por garantisá nan eksistensia. 

 

“Akseso na e parke ta liber i ta bai krea ruta pa kana i kore baiskel i pone baki di sushi i foyeto di informashon. E parke di Sabal ta brinda e oportunidat uniko pa eduká, distraí i protehá”, segun diputado Kroon. E Parke di Sabal ta situá kantu di e kaminda pa bai Sorobon i ta den un área destiná pa naturalesa den e Plan di Desaroyo Espasial Boneiru (Ruimtelijk Ontwikkelingsplan Boneire – ROB). Esaki ta hasié un desaroyo ideal pa elevá e produkto turístiko di nos isla.

 

HET BONAIRIAANSE EILANDBESTUUR EN ‘BON BÈRDÈ’  ONTWERPEN BONAIRE SABAL PALM PARK 

 

Kralendijk – Er komt een Bonaire Sabal Palm Park om de Bonairiaanse Sabal Palm te redden. Het park is een initiatief van Bon Bèrdè, Montgomery Botanical Center, Seacology en het Bonairiaanse eilandbestuur. 

De Bonairiaanse Sabal Palm is uniek in zijn soort. Momenteel staan er 24 volgroeide palmen op Bonaire, maar langzaamaan worden ze minder. Dit vanwege de droogte en omdat geiten en ezels de jonge palmen opeten. Zo krijgen de nieuwe palmen niet de kans niet om te groeien en groot te worden. Om de weinige palmen die over zijn te behouden, moet er met onmiddellijke ingang voor bescherming worden gezorgd.

 

Om te voorkomen dat deze palmen uiteindelijk helemaal verdwijnen, is er een plan ontworpen om niet alleen deze unieke palm te beschermen, maar ook om aandacht te vestigen op het gebied waar ze groeien om deze op een duurzame manier te ontwikkelen voor het eco-toerisme. Volgens gedeputeerde Thielman zit de Sabal Palm Park-visie op dezelfde lijn als Bonaire Blue Destination en het Tourism Recovery Plan, waar ontwikkelingen in evenwicht met elkaar staan en waarbij rekening gehouden wordt met zowel onze cultuur als onze natuur.

 

Het gebied waar deze palmen groeien wordt omheind om ezels en geiten buiten te houden. Dit biedt de mogelijkheid om meer van deze palmen te planten om zodoende de populatie Sabal Palmen te herstellen. Er komt een educatief traject voor kinderen en toeristen. Er zal meer studie verricht worden naar de groei van deze palmen. Het plan is ook om dit soort palmen de monitoren en kweken om hun bestaan te kunnen garanderen.  

 

‘De toegang tot het park zal vrij zijn en er zullen loop- en fietsroutes aangelegd worden, met afvalbakken en informatiefolders. Het Sabal Palm Park biedt een unieke kans voor onderwijs, ontspanning en bescherming’, aldus gedeputeerde Kroon. Het Sabal Palm Park is te vinden aan de weg naar Sorobon en ligt in een gebied dat bestemd is als natuurgebied in het Ruimtelijk Ontwikkelingsplan Bonaire – ROB. Dit maakt het een ideale ontwikkeling voor het verheffen van het toeristisch product van ons eiland.