Pólisa di seguro digital.
KOMUNIKADO DI PRENSA 167 / 2021
11 mei 2021
Pólisa di seguro digital.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Konforme akuerdo ku Kuerpo Polisial a yega na dje huntu ku diferente kompania di seguro,
shofùrnan por mustra nan pólisa di seguro digital tambe na momentu ku nan wòrdu pará
dor di polis.
Via di e QR-code polis por verifiká balides di e pólisa.
Polis ta disponé di un kantidat di telefòn ku kua por skèn e QR-code i asina haña tur
informashon relevante di seguro di e vehíkulo korespondiente.
No opstante ku e pólisa digital tin e mesun balides ku e pólisa ‘hardcopy’, polis ta urgi tur
shofùr pa tòg nan ta por lo pronto den posishon di nan pólisa ‘hardcopy’ tambe.
Esaki ta fasilitá e trabou pa polis i den e fase di transishon aki lo e aliviá e kontrolnan
miéntras ku ta kana huntu pa yega na e proseso di digitalisashon kompletu.
