Parlamento di Kòrsou den Reunion Públiko di 17 di mei 2021,

 

Parlamento di Kòrsou den Reunion Públiko di 17 di mei 2021,
Konsiderando ku:
• Pueblo di Kòrsou a bin ta komportá debidamente konforme e reglanan stipulá di
COVID-19 i alabes a transkurí e tempu nesesario pa analisá e efektonan di e medidanan
(manera plachi di dia, no por bai laman sierto orario, toke de keda, etc.) tumá ku bon
resultado.
• Pueblo di Kòrsou a entregá hopi di nan libertat i a bakuná na gran eskala riba un
promedio di +/- 60% pa logra un inmunidat kolektivo i ketu bai ta bakunando, sin mira
un rekompensa o alivio a kambio.
• Efektonan pisá di medidanan den ‘lock-down’ mester a trese mihó balanse entre salú
mental, interesnan sosio-ekonómiko okashoná pa e pandemia di COVID-19. Komo ku
esaki a afektá entrada den kasa di gobièrnu, pèrdida grandi di kuponan di trabou den
sektornan manera ‘horeca’ i tambe diferente kompanianan afektá ku a bai bankarota.
• Mester traha mihó den sinkronisashon pa loke ta trata den un balansa honesto entre
salubridat públiko, desaroyo ekonómiko i desaroyo sosial huntu ku e medidanan imponé.
• Sufrimentu di un pueblo ku ta sklama pa trabou i oportunidat pa kue ‘djòp’ i lora man
pa sobrebibí ta trese un oumento drástiko di violensia doméstiko i problemanan sosial
emoshonal. Alabes tambe edukashon di nos siguiente generashon ku a ser barbaramente
afektá den nan desaroyo hubenil.
• E pueblo tin derecho di mas oportunidat pa rekreo liber i distraishon responsabel riba e
forma di deeskalashon di medidanan vigente.
.
Ta disidí pa:
1. Urgí Gobièrnu Demishonario di Kòrsou pa habri Kòrsou bèk di un forma
responsabel. Insentivando ekonomia pa baha e preshon for di e presupuesto di gobièrnu,
adaptando e ‘toke de keda’ te 12’or (diesdos or) di anochi, manteniendo medidanan di
prekoushon di distansia sosial, manera 2 (dos) meter, laba man, uso di tapa boka i demas
protokòl, kódigo i reglanan vigente.
2. Krea protokòl i kòntròl mas estrikto na aeropuerto i hafnan di pais pa perkurá i
protehá e “bubble” lokal.
3. Stimulashon mas estrecho den koperashon ku ‘stakeholders’ i nan protokòlnan, alabes
pa insentivá e trayekto di bakunashon via dòkternan di kas òf den barionan pa nan sektor
en kuestion.
i ta pasa pa órden di dia.
*Athunto risibí nos proposishon elaborá pa implementá tur nos sugerensia den e moshon aki den un forma
responsabel riba diferente sektor.
PROPOSISHON PA PROTOKÒL
Mantenshon di ocho (8) regla ku lo ta e liña kòrá den e protokòl ku lo mester hiba den e diferente
sektornan i asina gradualmente ku nos lo por yega bèk na loke nos a kustumbrá.
1) Laba man
2) Bisti tapa boka
3) Marka pa ilustrá 2 meter di distansia
4) Registrashon di bishitante pa ‘contact tracing’
5) Uzo di alkohòl òf handsanitizer/uzo di habon
6) Uza liña di indikashon di entrada i salida
7) Midi nivel di humedat den lugánan será
8) Pone filternan spesial den baño
Seguidamente nos ta proponé na gobièrnu e siguiente protokòl pa e siguiente sektornan:
Toke de keda
 Toke de keda lo bira di 12’or pa 04.30’or
 Tur establesimentu mester sera konforme nan pèrmit te mas lat 11’or.
Deporte
 Eventonan deportivo por tuma lugá na airu liber ku públiko di 1/3 parti di e
kapasidat di e lokalidat te na un máksimo di 200 persona i si ta lugá será ta sin
públiko
 No ta pèrmití konsumo na e lugá di benta
Gym/Crossfit
 Lo ta habri i por risibí kantidat limitá di partisipante te na un máksimo di 50% di
e kapasidat di e lokalidat
Sektor di konstrukshon
 Por habri teniendo kuenta ku e 8 reglanan di protokòl di higiena
Fishinan di kontakto
 Por funshoná teniendo kuenta ku e 8 reglanan di protokòl di higiena pero
konforme afsprak pa atendé kada kliente
Posibilidat pa bai laman
 Ta posibel pa bishita laman teniendo kuenta ku e orario di toke de keda
 Ta pèrmití grupo di hende te na un máksimo di 12 persona huntu
 Ta pèrmití hürdó di stulnan hür stul te na un máksimo di 50% di e kapasidat normal
 No ta pèrmití pa hasi BBQ na laman
 Persona nan ku tin un pèrmit pa bende kos na e laman por bende bou di e
kondishon ku no ta pèrmití konsumo na e lugá di benta
Komèrsio
 Por habri teniendo kuenta ku e 8 reglanan di protokòl i konforme palabrashon
vigente
 Lo pèrmití un kantidat limitá di kliente den establesimentu teniendo kuenta ku e
grandura di e lokalidat
Ofisina nan gubernamental i no gubernamental
 Por funshoná teniendo kuenta ku e 8 reglanan di protokòl di higiena
 Kaminda ta pèrmití por traha for di ofisina
Instansianan finansiero
 Por funshoná teniendo kuenta ku e 8 reglanan di protokòl di higiena
 Por atendé klientenan solamente konforme sita
Transporte públiko
 Tur pasahero i shofùr mester bisti tapa boka den bus
 Bus mester mantené su bentana nan habri
 Mester tin plachinan pa promové higiena
 Mester tin handsanitizer/alkohòl disponibel pa pasaheronan
 Si ta posibel mantené distansia apropiá entre pasahero nan
 Mester limpia tur kaminda ku kliente por pone man regularmente
Horeca
Restorant
 Restorant nan por keda habri te ku 11 or di anochi
 Por pèrmití e kapasidat máksimo di e lokalidat teniendo kuenta ku 2 meter di
distansia entre e mesa nan.
 Preferibel traha sita delantá pa kome na restorant
 Si ta bin buska kuminda mester apuntá un área spesífiko pa hasi esaki
 Por pèrmití maksimal 4 persona na un mesa i si ta persona nan di mes famia te na
un máksimo di 8 persona
 Ora ta na mesa komiendo por kita e “tapa boka”, sin embargo ora ta lanta for di
mesa e kliente mester bisti e tapa boka bèk.
 Por tin “salad bar & bufèt” miéntras esaki ta sirbí dor di e trahadó nan mes
 No ta pèrmití hende para na bar
 Por pèrmití músika bibu den tras fondo
 Esenario mester ta na mínimo 3 meter di distansia for di e kliente nan
 Ta pèrmití máksimo sinku (5) artista riba e esenario
 Tur bebida mester ta sirbi ku pipa ku ta será den un empake
 Tur menú mester wòrdu desinfektá despues di kada uzo. Menú digital ta
rekomendabel
 No por uza nada di plèstik na mesa pa pone p.e. sous, kètsup etc
 Establesimentu mester pone bòrchinan ku ta promové labamentu di man
 Tur empleado mester bisti un tapa boka na momento ku ta yuda kliente
Aeropuerto
 Lo por habri konforme e reglanan di e COVID-19 protokòl di CAP fechá mei 2021
 Mester bini un COVID-test centre na aeropuerto pa tèst persona nan na yegada
na Kòrsou
Entiero
 Por pèrmití un kantidat máksimo di 25 hende den sala
 Por pèrmití un kantidat máksimo di 50 hende den e parti di aire liber
Farándula
 Lo pèrmití establesimentunan keda habrí te ku 11 or
 Restorant, Kasino i Café’s por tin músika di DJ òf ‘live entertainment’ den wikènt
ku un máksimo di 5 músiko riba e esenario.
 Esenario mester ta na mínimo 3 meter di distansia for di e kliente nan
 Ta pèrmití te un máksimo di 50% di e kapasidat di e lokalidat
 No ta pèrmití bailamentu
 Doño di establesimentu mester tene su mes na e 8 reglanan di higiena stipulá i ta
keda responsabel pa kumpli ku esaki nan
Teatronan por habri i por pèrmití te na un máksimo di 70% di e kapasidat di
lokalidat

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: