Ku Henry Lopez komo kantante: CURACAO BANDA SHOW TA LANSA SON MONTUNO “LO LLEVO EN LA SANGRE” RIBA MERKADO

 

 

Ku Henry Lopez komo kantante:

CURACAO BANDA SHOW TA LANSA SON MONTUNO

“LO LLEVO EN LA SANGRE” RIBA MERKADO

 

WILLEMSTAD – E siman aki Curaçao Banda Show bou di direkshon di maestro Enrico Henriquez, a lansa un Son Montuno riba merkado. Ta trata aki dje  piesa “Lo llevo en la sangre”, kual ta un komposishon di Kenneth Lucia.

E Son Montuno aki a keda traha espesialmente ku e “bailadores” den mente. E komposishon ta unu simpel i komersial, miéntras ku e areglo tabata den man di Enrico Henriquez.

Un danki ta bai na Sr. Bert Sambo ku tabata e persona ku a realisá e grabashon na su studio i a pèrkurá pa un tremendo trabou.

Curaçao Banda Show ta un agrupashon musikal bou di direkshon di Enrico Henriquez ku a keda funda for di 2018 i a yega di kompañá e kantante Dominikano Pakole ku hopi éksito.

Tambe e agrupashon  musikal aki den pasado resien a realisá algun grabashon interesante, kaminda dos Venezolano a kanta na papiamentu.

Ku e Son Montuno aki, Curaçao Banda Show ta spera di por drenta e merkado aki di farándula di Kòrsou, ku ta un merkado ku hopi yu di tera ta gusta.

For di awor aki un danki ta bai na tur DJ-nan lokal, pero tambe Radio Emisoranan ku ta bai inkluí e kansionnan aki den nan play list, pa asina ei abo ku ta na kas pidi esaki pa keda toká.

 

Atentamente

 

Curaçao Banda Show

This site uses Akismet to reduce spam. Learn how your comment data is processed.

error: Content is protected !!
%d bloggers like this: