Kaso di ladronisia ku 3 detenshon.

 

KOMUNIKADO DI PRENSA 212 / 2021
3 yüni 2021
Kaso di ladronisia ku 3 detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 3 di yüni 2021, den oranan di mardugá, Sentral di Polis a risibí informashon di un
ladronisia ku a tuma lugá den un establesimentu riba Rooseveltweg.
Na yegada di e patruya el tuma nota di un vehíkulo koló pretu ku kuater sospechoso aden,
ku na momentu ku e shofùr a nota presensia di e unidat polisial, a kore ku velosidat haltu
bai for di e sitio.
Mesora a start ku un persiguishon tras di e vehíkulo aki ku a terminá den área di Kaya
Dominiko Herrera. Despues ku e vehíkulo a aksidentá tur kuater sospechoso a sigui ku nan
huida na pia. Polis a sigui ku e persiguishon na pia i a logra detené 3 di e sospechosonan aki.
Den un investigashon den e outo polis a haña i konfiská, un kantidat di artíkulo prosedente
di ladronisia, tantu den e baul komo den e outo.
Tambe a haña un revolver 357 i un pistol, ámbos kargá ku balanan skèrpi.
Ta trata di e sospechosonan maskulino:
 N.A.L. di 25 aña di edat;
 D.A.F.B. di 20 aña di edat i
 S.M.J.C. di 19 aña di edat, tur nasé na Kòrsou.
A presentá e trio dilanti un fiskal ouksiliar ku a ordená nan enkarselamentu pendiente di
mas investigashon.