NOS SELEKSHON NASHONAL A GANA BRITISH VIRGIN ISLANDS KU SKOR DI 8-0 I TA PARÁ NA NUMBER UN DI GRUPO C!

 

NOS SELEKSHON NASHONAL A GANA BRITISH VIRGIN ISLANDS KU SKOR DI 8-0 I TA PARÁ NA NUMBER UN DI GRUPO C!

 

Awe djasabra, 5 di yüni nos selekshon nashonal a enfrentá BritishVirgin Islands i a gana ku skor di 8-0. Nos golnan a keda anotá pa Brandley Kuwas, Michaël Maria (2x), Leandro Bacuna, Charlison Benschop (2x) i Kenji Goré (2x).

Ku e resultado aki nos selekshon ta komandá e tabla di posishon ku 14 punto míentras Guatemala ta na di 2 puesto ku 14 punto tambe. E wega di djamars binidero ta bira desisivo pa Kòrsou. P’esei mes abo komo fanátiko mester sostené nos selekshon nashonal den Stadion Ergilio Hato. 

Sekshon VIP ta kosta fl.175.- i sekshon general ta kosta fl.40.-. Mañan, djadumingu 6 di yüni 2021 karchinan lo ta optenibel na FFK for di 9’or di mainta te 9’or di anochi.

Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku 25 di mei 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. Esaki tambe ta konta pa tur mucha ku asistí na wega ya komo no por bakuná mucha ainda. E bishitante mester presentá na wega ku su sédula i su karchi di bakunashon òf resultado di e tèst di antigen.

Djamars 8 di yüni 2021, ban apoyá nos selekshon, huntu den union!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: