Atenshon pa Banco di Caribe den medionan di komunikashon

Atenshon pa Banco di Caribe den medionan di komunikashon

Willemstad/Philipsburg – En bista di informashon resien ku a sali den medionan di
komunikashon, Centrale Bank van Curaçao en Sint Maarten (CBCS) ta informá lo siguiente.
Dia 4 di yüli 2018, Korte di Promé Instansia na Kòrsou a dekretá un areglo di emergensia relashoná
ku, entre otro, ENNIA Caribe Leven NV i ENNIA Caribe Holding NV (ENNIA). Meta di e
areglo di emergensia ta di yega na un restrukturashon di ENNIA pa asina restablesé su nivel di
solvensia na interes di, entre otro, ENNIA su doñonan di pólisa.
Den kuadro di e restrukturashon di ENNIA, ta studiando tur opshon ku por aportá na un
restrukturashon eksitoso. Benta di aktivo di ENNIA, inkluso ENNIA su akshonnan den Banco
di Caribe (BdC), tambe ta un opshon ku ta siendo evaluá. BdC no ta kai bou di e areglo di
emergensia i, manera a ser informá anteriormente, den kaso di BdC no tabatin ningun motibu pa
apliká un medida asina tampoko. BdC ta un aktivo ku ta hasi un kontribushon positivo na e
grupo Ennia. Un posibel benta di BdC lo generá ganashi ku lo ta na benefisio di e
restrukturashon.
Den e restrukturashon, CBCS lo traha semper na interes di ENNIA su doñonan di pólisa i
tambe di BdC su depositantenan.
Willemstad, 7 di yüni 2021
CENTRALE BANK VAN CURAÇAO EN SINT MAARTEN

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: