PREPARASHONNAN TA KONTINUÁ PA NOS SELEKSHON NASHONAL ENFRENTÁ PANAMA, DJASABRA 12 DI YÜNI 2021!

PREPARASHONNAN TA KONTINUÁ PA NOS SELEKSHON NASHONAL ENFRENTÁ PANAMA, DJASABRA 12 DI YÜNI 2021!

 

Despues di nos partido di djamars último, nos selekshon ta na Panama pa prepará pa e siguiente partidonan ku lo tuma lugá djasabra i djamars binidero. E promé partido lo ta djasabra 12 di yüni na Panama den Stadion Nacional Rod Carew, 7:05 di anochi kontra Panama i despues nos lo bolbe enfrentá Panama aki na Kòrsou dia 15 di yüni próksimo den Stadion Ergilio Hato. 

E promé mainta di nos selekshon nashonal na Panama a kuminsá ku e orashon tradishonal siguí pa un tremendo desayuno. Nos hungadónan a sosegá di e biahe di ayera durante dia i den oranan di atardi nan a partisipá na e promé training aya na Panama den Estadio Luis E. Cascarita Tapia. E training a kuminsá 5or di atardi i a dura un ora di mei.

Lamentabelmente dos hungadó no a biaha ku nos selekshon pa Panama. Roly Bonevacia no por a biaha pa motibu personal miéntras Shermar Martina a bandoná e tim pa motibu médiko. Darryl Lachman a kuminsá ku su biahe largu i lo djòin nos selekshon mañan.

E dos partidonan aki ta importante pa nos sigui den kontienda pa e partidonan di kualifikashon pa Mundial di FIFA. P’esei nos selekshon nashonal ta konta ku pueblo di Kòrsou su apoyo i sosten pa nos bolbe triunfá.

Pronto karchinan pa e partido di djamars lo ta optenibel, keda pendiente pa mas informashon…

This site uses Akismet to reduce spam. Learn how your comment data is processed.

error: Content is protected !!
%d bloggers like this: