Detenshon relashona ku kaso di asesinato.

KOMUNIKADO DI PRENSA 217 / 2021
12 yüni 2021
Detenshon relashona ku kaso di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon den e kaso di asesinato ku a tuma lugá den e mardugá di dia
promé di yüni 2021 patras di Stadion Odulio Willems na Suffisant, e tim ku ta investigá
kasonan di homisidio a hasi un detenshon.
Den oranan di atardi di djabièrnè 11 di yüni 2021, reshèrshinan a tene un entrada hudisial
na un adrès den kanga i a detené e dama B.S.A. di 44 aña di edat pa enkubrimentu.
Mas despues a tene un entrada hudisial relashoná ku e mesun kaso aki na un adrès den
Stenen Koraal. Akinan a detené un otro dama, F.B. di 22 aña di edat, tambe en konekshon
ku enkubrimentu.
Ambos sospechoso ta nase na Guyana.
Investigashon den e kaso aki ta kontinuá.