Detenshon relashoná ku ladronisia di outo.

 

KOMUNIKADO DI PRENSA 219 / 2021
14 yüni 2021
Detenshon relashoná ku ladronisia di outo.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon den e kaso di joyriding ku a tuma lugá 30 di aprel 2021 na
Esperanzaweg, polis a detené un hòmber sospechoso mas.
Djaluna 14 yüni 2021, alrededor di 11.50’or e tim ku ta investigá ladronisia di outo a detené
e hòmber L.L.V.I. nasé na Kòrsou di 33 aña di edat relashoná ku e kaso ariba menshoná.
Mas despues a tene entrada hudisial na un kas na Californiaweg kaminda a haña i konfiská
algun mata di mariwana.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: