JCI Willemstad ku atenshon spesial pa e promé beibi di aña 2023
JCI Willemstad ku atenshon spesial pa e promé beibi di aña 2023
Kòrsou ta yama bon bini na su prome beibi pa 2023.
Manera ya a bira un tradishon JCI Willemstad ta duna atenshon i rekonosimentu na e promé beibi di aña. A toka turno na Curaҫao Medical Center pa yama bon biní na e promé yu di aña ku yama Jayvion Richardson Dandaré, kende a nase 8:57 AM ku un peso di 2975 gram i largura di 47 cm.
Su orguyoso mayornan ta Soheily Dandaré i Jonathan Richardson. Un legria inmenso a reina, na momentu ku partera dr. Henriques asistí pa Dr. Hannah Rowling I zusternan Flor Villareal i Lusitania Fullinck a yuda trese e beibi na mundu.
Presidente 2023 di JCI Willemstad Desiree Fransisco asistí pa su Vise-Presidente Paul Leefland a bishitá e mayornan di e beibi pa felisitá i sorpresá nan ku algún regalo i opsekio. Prome beibi di aña 2022 Daryon tambe tabatei presente pa yama bin bini na su susesor. Presidente di JCI Willemstad, Desiree Fransisco, a ekspresá su gratitut ku yegada di e beibi i tambe a duna felisitashon na e famia. Un danki speshal ta bai na tur spònsernan ku ta karga ku e proyekto tur aña di nobo. Un danki na Salas Sport Shop pa e plakaat ku ta sirbi komo rekuerdo di e dia memorabel aki. Un bes mas JCI Willemstad a konta ku aporte di Freeport Jewelers ku a regala Jayvion un bunita armband di plata. Pietersz Distribution ku a regala e beibi un pakete di pampers i wipes. Highlights Enterprise N.V. ku a regala un rocking chair di Fisherprice i produktonan di Zwitsal. Na O Pourier Photography pa un professional photoshoot, Curaçao Food Trade ku lo enkarga ku pampers pa 1 aña largu gratis. Esperamos Supermarket ku lo opsekia 1 bolo, Super Kids ku a ofresé un pakete ku produktonan di beibi.
JCI Willemstad ku su 62 aña di eksistensia no ta un organisashon deskonosí na Kòrsou. E ta un organisashon “non-profit” ku ta enfoká riba liderasgo i formashon di hóbennan entre 18 i 40 aña. E mishon di JCI ta pa kontribuí na desaroyo global di nos komunidat dunando hóbennan e oportunidat pa
desaroyá nan abilidat di liderasgo i responsabilidat sosial nesesario pa asina krea kambionan positivo den
nos komunidat.
JCI Willemstad te deseá pueblo di Korsou un aña 2023 yená ku prosperidat i tur klase di éxito.