TUR KOS TA KLA PA NOS SELEKSHON NASHONAL ENFRENTÁ PANAMA DJAMARS 15 DI YÜNI 7’OR DEN SDK!

 

TUR KOS TA KLA PA NOS SELEKSHON NASHONAL ENFRENTÁ PANAMA DJAMARS 15 DI YÜNI 7’OR DEN SDK!

 

 

Tur kos ta kla pa nos selekshon nashonal topa Panama, mañan anochi 7’or den Stadion Ergilio Hato. E partido aki lo bai ta unu sumamente importante kaminda nos mester di un viktoria pa sigui den kontienda pa e partidonan di kualifikashon pa Mundial di FIFA. P’esei nos selekshon nashonal ta konta ku pueblo di Kòrsou su apoyo i sosten pa nos sali viktorioso! Awe ‘tardi nos selekshon ta tin su delaster training i nos hungadónan ta mentalmente i físikamente bon prepará pa saka nos kara mañan.

 

Sekshon VIP ta kosta fl.175,- miéntras e sekshon general ta kosta fl.40,-. Djamars riba dia di wega karchinan ta optenibel solamente na ofisina di FFK for 8’or di mainta te 2’or di atardi i lo no bende karchi na porta!

 

Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku promé di yüni 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. Muchanan bou di 16 aña no mester hasi tèst di antigen. E bishitante mester presentá na wega ku su sédula i su karchi di bakunashon òf resultado di e tèst di antigen.

No lubidá di yena e parti di karchi pa registrashon i tapaboka ta obligatorio!

 

Un tabla lo bula mañan, djamars 15 di yüni 2021 pa 7’or den Stadion Ergilio Hato ora nos selekshon nashonal topa Panama! Nos selekshon mester di e apoyo i sosten di hinter pueblo di Kòrsou pa huntu den union nos logra e viktoria!

 

Buska bo karchi trempan, pa bo no keda afó!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: