Kranshi a reservá dianan pa tuma uittreksel pa inskripshon na skol sekundario

Kranshi a reservá dianan pa tuma uittreksel pa inskripshon na skol sekundario

Geplaatst op 17 June 2021 dor di Ministerio Maneho di Gobernashon, Planifikashon i Servisio Públiko

WILLEMSTAD – Ministerio di Maneho di Gobernashon, Planifikashon i Servisio Públiko ta informá ku Publieke Zaken (Kranshi) tin fecha reservá pa mayornan por pasa saka Uittreksel relashoná ku inskripshon pa skol sekundario.

Pa e hóbennan ku mester inskribí na skol sekundario, e mayor por pasa buska su Uittreksel na Kranshi. Pa evitá aglomerashon Kranshi a reservá spesialmente djárason 23 di yüni 2021 i djaluna 28 di yüni 2021 pa e okashon akí. E orario riba djárason 23 di yüni ta di 8’or di mainta te 3’or di atardi i djaluna 28 di yüni di 4’or te 6’or di atardi. E Uittreksel ta kosta Nafl. 10,= i den e kaso akí por swipe òf paga kèsh. Mester presentá ku un identifikashon bálido.

Kranshi ta duna solamente e siguiente servisionan dia 23 di yüni:

  • Registrashon di nasementu (òp yu);
  • Registrashon di fayesimentu;
  • Uittreksel pa e yu ku a pasa pa skol sekundario.

Riba djaluna 28 di yüni di 4’or pa 6’or di atardi ta duna solamente e servisio akí:

  • Uittreksel pa e yu ku a pasa pa skol sekundario.

Despues di e fechanan ariba menshoná lo mester traha sita via sita@gobiernu.cw òf yama 434-1690.

This site uses Akismet to reduce spam. Learn how your comment data is processed.

error: Content is protected !!
%d bloggers like this: