Angua kontra corona pa studiantenan boneriano durante nan vakansi na Boneiru

 

Angua kontra corona pa studiantenan boneriano durante nan vakansi na Boneiru

 

Kralendijk – Awor akí e angua kontra corona ta disponibel tambe pa studiantenan

boneriano ku ta studia den eksterior i ku dentro di poko ta bin Boneiru pa pasa

vakansi. E studiantenan por registrá nan mes na vaccinatie.info@bonairegov.com òf

nan mayornan por registrá nan via e number grátis 0800 0900.

 

T’asina sí ku e studiantenan mester keda sufisiente tempu na Boneiru pa por pasa

dos angua, e ora ei nan ta kompletamente bakuná. Despues di e promé angua

minimalmente tres siman despues nan tin ku pasa e di dos angua na Boneiru.

 

Na momentu di registrashon mester duna nòmber i number di sédula di e mayor i

tambe nòmber di e studiante i su fecha di nasementu. Ta importante tambe pa duna

un number di telefòn òf emailadrès i fecha di yegada i salida di e studiante.