Detenshon relashoná ku atrako.

KOMUNIKADO DI PRENSA 227 / 2021
18 yüni 2021
Detenshon relashoná ku atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un atrako kometé dia 3 di aprel 2021 den
área di un resort na Banda Bou, tim di atrako a hasi detenshon di un hòmber sospechoso.
Djabièrnè 18 di yüni 2021, alrededor di 06.30’or na Flip, polis a detené e hòmber
sospechoso Z.W. nasé China di 29 aña di edat. Durante investigashon na e sitio polis a haña
i konfiská un arma di kandela.
Relashoná ku esaki polis a detené na e sitio e hòmber X.W. nasé na China di 46 aña di edat,
pa violashon di lei di arma di kandela.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon.