Minister Dorothy Pietersz- Janga a bishitá G&Gz pa sera konosí ku personal


Minister Dorothy Pietersz- Janga a bishitá G&Gz pa sera konosí ku personal

Willemstad – Minister di Salú, Medio Ambiente i Naturalesa, dr. Dorothy Pietersz- Janga resientemente den kuadro di su rekorido na servisionan di su ministerio, a bishitá G&Gz (ántes GGD). Despues di un resepshon ofisial na G&Gz den un ambiente ameno, Minister a pasa na tur departamentu di e servisio i a sera konosí ku tur empleado. Durante e resepshon ofisial Sekretario General di Ministerio di GMN drs. Sharlon Melfor i naturalmente Minister Pietersz- Janga a hiba palabra. Anteriormente minister a sera konosí kaba ku personal na edifisio prinsipal di e ministerio na Otrobanda.

Durante su diskurso Minister dr. Dorothy Pietersz- Janga a informá ku G&Gz no ta deskonosí pe pasobra den pasado el a kore stage na G&Gz komo parti di su estudio di médiko. Minister a elaborá tambe riba e importansha ku tareanan di un servisio manera G&Gz tin pa komunidat. Defakto tareanan di G&Gz ta enserá kuido for di momentu ku un persona ta beibi ta na momentu ku e persona fayesé. G&Gz ta e servisio di mas grandi di Ministerio di GMN i ta konsistí di 7 departamentu i un total di 100 empleado.

Den e dianan ku ta bini Minister dr. Dorothy Pietersz- Janga lo bishitá Departamentu Salú Hubenil (DSH), AVB (ántes LVV) i Asuntunan Veterinario. DSH ta e departamentu enkargá ku kuido preventivo pa muchanan entre 0 ku 19 aña, AVB ta e servisio enkargá ku agrikultura i peska i Asuntunan Veterinario ta enkargá ku entre otro keurmentu di karni i lokalidatnan ku ta prosesá karni. Riba kombinashon di potrèt por mira bishita di Minister Pietersz- Janga na G&Gz.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: