Proyektonan ku lo inisiá ku e maneho di Tax Holiday lo suma aproksimádamente 250 mion florin

 

Proyektonan ku lo inisiá ku e maneho di Tax Holiday lo suma aproksimádamente 250 mion florin

 

Ku un kambio temporal den maneho en konekshon ku reglanan tokante Tax Holiday, Minister di Finansa, señor mr. drs. Javier Silvania, lo stimulá invershonistanan lokal pa invertí sumanan mionario na Kòrsou den 2021. 

Na e momento aki ta práktika ku Servisio di Impuesto ta duna Tax Holiday (grond ontwikkeling) solamente na momento ku 80% di e proyekto lo keda poné na disposishon di personanan ekstranhero sea pa medio di benta òf pa medio di hür. Pa motibu di Covid-19 no tin hopi stranhero riba Kòrsou na e momento aki, konsekuentemente ta difisil pa invershonistanan kumplí ku e kondishon di 80%. 

Pa medio di un kambio temporal den maneho di Servisio di Impuesto, minister di finansa lo aprobá ku por duna Tax Holiday  for di momento ku 20% of mas di kumpradónan di kas i òf apartemènt ta ekstranhero.

Ku e kambio aki por konta ku un invershon di aproksimádamente 180 mion florin den 2021. Spesífikamente lo hasi uso di e Tax Holiday pa proyektonan manera One Mambo pa un suma di 25 mion florin, Blue Ocean pa un suma di 7.5 mion florin, Bay Side pa un suma di 35 mion florin, Vredenberg pa un suma di 13 mion florin, Zeebries pa un suma di 65 mion florin, Sint Marie pa un suma di 18 mion florin, Alablanca pa un suma di 10 mion florin, Blue Bay pa un suma di 6 mion florin, The Jazmyn i The Ridge huntu pa un suma total di 70 mion florin. Sumando un gran total di 250 mion florin.

 

Riba pòrtrèt: Minister di Finansa señor mr. drs. Javier Silvania den kombersashon ku invershonistanan tokante su maneho di Taks Holiday.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: