Resultado Kampionato Babe Ruth League 18 Marchena Braves Kampion
Den fin di siman ultimo den Stadion Johnny Vrutaal, a tuma luga e gran final di Kampionato Babe Ruth League 18U, kaminda e ekipo di Marchena Braves a enfrenta e ekipo di Royal Scorpions.
Den e prome partido Marchena Braves ta pika dilanti den e serie, ganando di Royal Scorpions ku skore di 11 pa 6. Marchena Braves a anota 11 kareda, konekta 12 hit i tabatin 6 eror. Pitcher ganado a resulta di ta Keorden Leito i na bate R. Merite di 3-3 ku 2 kareda empuha. Roangeraud Fraai tabatin un homerun den e partido aki. Pa Royal Scorpions 6 kareda, 9 hit i 2 eror, pitcher perdedo a resulta Steven Amorsingh i na bate Justin Paula di 3-2.
Djadumingu den e sigiente partido di un serie di best of 3, e ekipo di Marchena Braves ta gana Royal Scorpions ku skore di 13 pa 5 i ta titula Kampion di Kampionato Babe Ruth League 18U. Marchena tabatin 13 kareda, 11 hit i 0 eror. Pitcher ganado M. Wolf i na bate Beyonce Paulina, Roangeraud Fraai i Shevis Domacasse tur di 4-2. Shevis Domacasse tabatin 4 kareda empuha.
Pa Royal Scorpions 5 kareda, 10mhit i 4 eror, perdedo a resulta Jadon Gosepa i na bate Jadon Gosepa di 4-3 i 2 kareda empuha.
Ku e resultado aki, e ekipo di Marchena Braves ta titula Kampion, Royal Scorpions Sub-Kampion, Sta Rosa Indians ta keda na di 3 luga, I e ekipo mas disiplina a resulta di ta Suffisant Royal Magic enkabesa pa Coach Edwin Fransisca.
Premionan Individual:
Kampion Bate: Rigley Ostiana di Sta Rosa Indians. Average .571
Kampion Pitcher: Tuhedrick Rosa di St Michiel Sharks. ERA 2.33
Kampion Honronero: Dylan Leito di St Michiel Sharks. 2 homerun
Hungado mas Valioso MVP: Roangeraud Fraai di Marchena Braves