A honra tres baluarte na apertura di selebrashon di San Juan i San Pedro Erkenning voor drie vooraanstaanden bij opening viering San Juan en San Pedro

A honra tres baluarte na apertura di selebrashon di San Juan i San Pedro 

Kralendijk – Ku e aktividat Chispa di Wan ku Pedu a habri e temporada di San Juan i San Pedro. E aña akí a skohe pa kuminsá fiesta den e bario di Nort’i Saliña. Durante e anochi akí a honra tres baluarte di bario. Nan a risibí e rekonosementu Flambeu di Kandela di e Chispa di Wan i Pedu. E rekonosementu aki a bai pa Mourens Mouchi Evertsz, Iselsio Echo Statie i Cornelis Payo Thielman. E aktividat ta bini bèk tur aña di nobo i ta na enkargo di Departamento di Kultura (SKAL). 

 

Durante e Chispa di Wan ku Pedu a forma un grupo di músiko di bario pa e parti di animashon bou di kordinashon di Eddy Thielman. Nan presentashon ta parti di un dokumental ku ta pasa di 24 te ku 29 di yüni na televishon lokal. Den presensia di un grupo chikitu di invitado, hefe di SKAL Papito Thomas, direktora di Direktorado Komunidat i Kuido, Silvana Janga-Serfilia a dirigí palabra, miéntras ku diputado Hennyson Thielman a papia na nòmber di Entidat Públiko Boneiru.

 

E orígen di e fiestanan di San Juan i San Pedro tabata unu religioso. Awor nan ta mas un enkuentro kultural. Durante e fiestanan ta toka kantikanan krioyo ku marimba, wiri, barí, karkó, kuarta i triangel. Tambe ta bula kandela. E bulamentu ta bai di nort pa sùit. E nifikashon di e bulamentu di kandela ta purifikashon. Hubert Vis, ku sa hopi di nos kultura, a bisa: “Kandela ta kima i hasi kos limpi. E ta limpia bo alma i limpia tur kos pa un mihó futuro”. 

Selebrashon di San Wan i San Pedu por tuma lugá na e manera tradishonal, pero adaptá. A kuminsá suavisá medidanan di Covid-19, sinembargo tin sierto medidanan ku a keda na vigor. Pues ta responsabilidat na nos kada unu pa tene kuenta ku reglanan vigente. 

 

Foto ta ilustrá entrega di Flambeu di Kandela di e Chispa di Wan i Pedu na Mourens Mouchi Evertsz, Iselsio Echo Statie i Cornelis Payo Thielman.

 

 

 

Erkenning voor drie vooraanstaanden bij opening viering San Juan en San Pedro 

Kralendijk – Met de activiteit ‘Chispa di Wan ku Pedu’ (Vonk van Johannes en Petrus) werd de viering van San Juan (de heilige Johannes) en San Pedro (de heilige Petrus) geopend. Dit jaar viel de keuze op Nort’i Saliña om met de festiviteiten te beginnen. Daarbij werden drie vooraanstaande musici uit die wijk geëerd. Zij kregen de erkenning ‘Flambeu di Kandela di e Chispa di Wan ku Pedu’ (fakkel van de vonk van Johannes en Petrus) uitgereikt. Deze erkenning ging naar Mourens Mouchi Evertsz, Iselsio Echo Statie en Cornelis Payo Thielman. Het is een jaarlijks terugkerende activiteit van de Afdeling Cultuur (SKAL).

 

Voor de ‘Chispa di Wan ku Pedu’ werd voor de muzikale omlijsting een groep geformeerd bestaande uit muzikanten uit de wijk onder leiding van Eddy Thielman. Hun optreden is onderdeel van een documentaire die van 24 tot en met 29 juni op de lokale televisie wordt uitgezonden. In het bijzijn van een kleine groep genodigden hebben het hoofd van de SKAL Papito Thomas en de directeur van de Directie Samenleving en Zorg Silvana Janga-Serfilia een toespraak gehouden, terwijl gedeputeerde Hennyson Thielman namens het Openbaar Lichaam Bonaire heeft gesproken.

 

De oorsprong van de San Juan en San Pedro-feesten is religieus. Tegenwoordig hebben ze een meer cultureel karakter. Tijdens de feesten worden folkloristische liederen gespeeld met de marimba, wiri, trommel, karkó-schelp, kuarta (ukelele) en triangel. Ook wordt er over stapels brandend hout gesprongen. Men springt dan van het noorden naar het zuiden. De betekenis van over vuur springen is reiniging. Hubert Vis, die veel over onze cultuur weet, vertelt: ‘Het vuur brandt en maakt dingen schoon. Het zuivert je ziel en maakt  alles schoon voor een betere toekomst’.

 

De viering van San Juan en San Pedro kan op de traditionele manier plaatsvinden, maar aangepast. Men is begonnen met de Covid-19 maatregelen te versoepelen, er zijn echter bepaalde maatregelen die blijven gelden. Het is dus de verantwoordelijkheid van ieder van ons om rekening te houden met de geldende regels.

 

De foto illustreert de uitreiking van de ‘Flambeu di Kandela di e Chispa di Wan i Pedu’ aan Mourens Mouchi Evertsz, Iselsio Echo Statie en Cornelis Payo Thielman.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: