Trabou Pa Kòrsou ta sostené Minister di VVRP

Trabou Pa Kòrsou ta sostené Minister di VVRP

Burakunan den kaya tin nos fadá, pero ban aportá i konstruí nos pais.

Trabou Pa Kòrsou (TPK) a tuma nota di un desaroyo hopi positivo, kaminda Minister di VVRP, sr. Charles Cooper, a anunsiá ku nan a logra aloká fondo den tempu korto. Ta trata di mas of menos 3 mion florin, ku e meta pa laga drecha e burakunan riba kaya. TPK ta sostene e alokashon di fondo aki i ta hasi un yamada na pueblo pa ban aportá.

 

Kon pueblo por aportá? Na momentu ku konstata un buraku:

  1. Djis hala bo outo na banda i kue bo telefòn.
  2. Bai den “whatsapp” i bai na e simbulo di “paperclips”.
  3. Skohe “location” i despues “share current location”.
  4. Manda e “current location” aki na +5999 528-4858 i/òf manda bo mail na vvrp@gobiernu.cw.

Tambe TPK ta sostené e echo ku Minister di VVRP lo bolbe re-aktivá e “wegenfonds” asina kumpliendo ku e moshon di parlamento di desèmber 2020, kaminda ku tur sèn di kumpramentu di plachi di number, lo bai aden. Di e forma aki e sèn nan lo keda aloká pa drecha nos kareteranan. TPK ta manda un atvertensia serio na tur polítiko  pa nunka mas pensa pa eliminá wegenfonds for di riba prosupuesto di pais Kòrsou. E daño ku boso a hasi n’e pueblo aki ta grandi.

Algun ehèmpel real di “current location” kaminda aktualmente tin buraku.

Pietermaaiweg                        Kaya Elias R. Moreno           Cas Coraweg

 

 

SBN Doormanweg                            Pietermaaiweg                   Kaya Dominico F. Martina

 

 

Pa mas informashon por tuma kontakto ku sekretario di Partido Trabou Pa Kòrsou, sr. Jonathan Seymor, na 528-0058.

This site uses Akismet to reduce spam. Learn how your comment data is processed.

error: Content is protected !!
%d bloggers like this: