Registrashon èksamen reibeweis pa studiantenan

 

Registrashon èksamen reibeweis pa studiantenan

Geplaatst op 27 June 2021 dor di Ministerio Maneho di Gobernashon, Planifikashon i Servisio Públiko

WILLEMSTAD –  Departamento di Reibeweis (Sta. Rosaweg) di e ministerio di Maneho di Gobernashon, Planifikashon i Servisio Públiko ta informá ku lo no tin posibilidat pa un segundo oportunidat pa pasa èksamen práktiko pa reibeweis. En espesial pa e studiantenan ku lo bai studia den eksterior den verano di 2021.

Departamento di Reibeweis a risibí un kantidat bastante grandi di petishon bou di studiantenan ku ta bai studia den eksterior. Mirando ku e fecha pa studiantenan bai studia den eksterior ta aserkando, mayoria studiante ta skohe pa pasa èksamen di reibeweis a korto plaso promé ku nan biaha. Tambe tin hóbennan ku ta hasi 18 aña djis promé ku nan biaha. Nan tur ta pone ku e tempu ta kòrtiku pa risibí un segundo oportunidat pa pasa èksamen. Nos ke pidi nos siudadanonan komprenshon pa e situashon.

Pa mas informashon por tuma kontakto via number di telefòn 736-2929. Tambe por manda un mail na rijbewijzen.puz@gobiernu.cw.

This site uses Akismet to reduce spam. Learn how your comment data is processed.

error: Content is protected !!
%d bloggers like this: