Partido Inovashon Nashonal (PIN) a konstatá un avalancha di moshon kontra Sekretario di Estado Knops (CDA) den Tweede Kamer.

 

Partido Inovashon Nashonal (PIN) a konstatá un avalancha di moshon kontra
Sekretario di Estado Knops (CDA) den Tweede Kamer. Ta e momentu oportuno pa
gobièrnu di Kòrsou i Parlamento aktuá. Awe den un reunion di Tweede Kamer riba e
sosten den kuadro di Covid na Kòrsou, Aruba i Sint Maarten, sekretartio di estado sr.
Knops a hañ’e konfrontá ku 14 moshon ku a bin for di frakshonnan di ChristenUnie,
D66, PvDA, Bij1, CDA i VVD.
Despues ku resientemente Eerste Kamer a wanta e lei di reino di Disputa
(Geschillenregeling), awor ta miembronan di Tweede Kamer den un avalancha di
moshon a kritiká e sekretario di estado severamente riba entre otro falta di un vishon
den reino. Tambe tabata tin basta krítika riba pa e pobresa ku ta reina bou mas ku 30
porshento di habitantenan di islanan BES, su falta di restabelesé demokrasia na Sint
Eustatius i su maneho pa ku sosten di likides na Kòrsou, Aruba i Sint Maarten. Asta un
di e moshonnan ta akusá sr.Knops ku e ta usa e sosten di likides pa tene Sint Maarten
bou di poder kolonial. Djamars awor lo tin votashon riba e moshonnan.
PIN ta enfatisá ku e desaroyo aki ta importante pa nos tuma nota di dje, pasobra e
moshonnan ta duna indikashon di un kambio den posishonamentu di miembronan di
parlemento Ulandes na fabor di e paisnan den Karibe. Esaki ta e momento pa gobièrnu
i parlamentu atendé ku e lei di konsenso di COHO. Si gobièrnu su posishon ta pa
negoshá e lei, e no por laga e momento aki bai pa koregí e fayonan den e lei di COHO.
Manera Raad van State a indiká, e lei di COHO ta kontra Statüt i e tin un komposishon
di desigualdat den e instituto COHO kaminda ta Ulanda ta nòmbra tres persona.
Ademas e tareanan di COHO ta bai demasiado leu pasombra banda di e tarea di
supervishon, den e lei ta COHO ta disidí riba un kandidat di kos i e lei ta pone gobièrnu
i parlamentu di Kòrsou bou di mando di COHO di gobièrnu Ulandes. Raad van State a
enfatisá ku e instituto COHO ta debilitá nos aparato públiko i nos pais. E instituto
COHO mes ta traha maneho, e mes ta implementá i e mes ta supervisá.
PIN ta urgi Gobièrnu i parlamento pa atendé ku e lei di COHO i ku e medidanan
formulá den e Landspakket, partikularmentente ku e kòrtamentu den penshun di
penshonadonan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: