Calmes: “Deurwaarder a hiba karta di retiro pa 4 miembro di Trabou pa Kòrsou”

 

Deurwaarder a hiba karta di retiro pa 4 miembro di Trabou pa Kòrsou Omar Gill, Renny Leito i Eddie Kirindongo a wòrdu retirá

Karta di retiro di Direktiva di Partido Trabou Pa Kòrsou, ayera a keda entregá pa medio di deurwaarder na 4 kandidato riba lista. Ta trata di retiro pa sr. Omar Gill, sr. Renny Leito, sr. Eddie Kirindongo i sr.Athley Maria. E motibunan ta debí ku sigur e 3 promé nan a demonstrá di no ta respetá demokrasia i desishon di mayoria di e partido ku a skohe un direktiva demokrátikamente dia 24 di mart 2021.

E 3 promé nan konstantemente ta sali den prensa papia na nòmber di Trabou pa Kòrsou sin konosementu di direktiva, kandidadotnan riba lista o lider politiko i ta hasi daño na e nòmber di Trabou pa Kòrsou.

Direktiva di Trabou pa Kòrsou ta informá komunidat di Kòrsou ku akshonnan di sr. Omar Gill, sr. Renny Leito, sr. Eddie Kirindongo i sr. Athley Maria no tin aprobashon di Trabou pa Kòrsou ni no tin sostén di kandidadotat riba lista di Trabou pa Kòrsou.

E uniko Partido polítiko “Trabou pa Kòrsou” ku konseho supremo elektoral konosé, ta e Trabou pa Kòrsou ku sr. Rennox Calmes komo lider polítiko i sr. Mickel Martis komo presidente.

Pa mas informashon

Sr. Mickel Martis

This site uses Akismet to reduce spam. Learn how your comment data is processed.

error: Content is protected !!
%d bloggers like this: