𝐑𝐀𝐂 𝐚 𝐞𝐧𝐭𝐫𝐞𝐠𝐚 𝐬𝐮 𝐢𝐧𝐟𝐨𝐫𝐦𝐞 𝐚𝐧𝐮𝐚𝐥 𝟐𝟎𝟐𝟓

Regulatory Authority of Curaçao (RAC) a entregá ofisialmente su Informe anual 2025, ku ta hibá e título IMPAKTO, na Minister di Tráfiko, Transporte i Planifikashon Urbano (VVRP), señor Charles Cooper.

RAC por a informá ku e auditor externo EY a firma su deklarashon aprobatorio kaba riba 16 di aprel 2026, dia riba kua e informe anual tambe a keda finalisá.

Durante e presentashon, direktor di RAC, Curt Belfor, a duna un bista general di aña 2025 i a splika e tema di e Informe i e impakto di e tareanan di RAC tin riba komunidat di Kòrsou en general. Despues, EY a duna un splikashon di nan konklushonnan prinsipal di e auditoria.

RAC a boek un resultado positivo di 9 mion XCG pa aña 2025. Esaki ta duna mustra ku e trabou di regulashon riba deferente tereno, door di trahadornan di RAC, ta dunando bon fruta. Pabien na e tim di maneho di RAC i su trahadornan.

Despues di esaki, Curt Belfor direktor di RAC a entregá e informe anual ofisialmente na minister Charles Cooper i na presidente di e Konseho di Supervishon, señora Sueena Francisco.