
TILBURG – ‘MIDI’ pendiente pa lansa otro piesa i videoclip nobo titulá “Recuerdo so”
Próksimamente e konosido banda na Hulanda, ‘MIDI’, lo bai lansa otro piesa nobo huntu ku su videoclip, ku ta hiba di titulo ‘Rekuerdo So’.
E piesa titula ‘Rekuerdo So’ lo keda interpreta pa e kantante guitarista Fonty Lodowica.
E ta un piesa ku hopi sintimentu i ku alabes tin un mensahe pa un i tur gosa di bida i krea bunita rekuerdo.
E temporada di pandemia ku nos a pasa aden, a demostra ku differente kos tin muchu mas balor ku nos tabata pensa. Porsierto e piesa aki ta subraya e importansha di kosnan chikitu den bida ya ku nada na ta dura pa eternidad. Por ehempel un brasa no ta dura largu pero ta krea un recuerdo inolvidabel ku si ta dura mas.
Ta e intenshon pa fin di luna di Juli 2021, tantu e piesa komo e videoclip ta riba merkado”.
KOMPARTI E NOTISIA AKI VIA / Share the news
Related
639114718427035"
639114718427035"