Minister Pietersz- Janga a bishitá DSH, AVB i Asuntunan Veterinario 

Den kuadro di su rekorido
na servisionan di su ministerio,

Minister Pietersz- Janga a bishitá DSH, AVB i Asuntunan Veterinario 

Willemstad – Durante e dianan ku a pasa Minister di Salú, Medio Ambiente i Naturalesa, dr. Dorothy Pietersz- Janga, a bishitá mas servisio di su ministerio. Anteriormente Minister a bishitá i sera konosí na ofisina sentral di ministerio i G&Gz, i awor a toka turno ta Departamentu Salú Hubenil (DSH), AVB (ántes LVV) i Asuntunan Veterinario. Na tur e tres servisionan aki Minister a sera konosí ku personal i a hasi rekorido den e diferente departamentunan. Ku e último bishitanan aki Minister a bishitá tur servisio ku ta forma parti di e dos sektornan di su ministerio.

Na DSH Minister a keda risibí pa dr. Hilmig Davelaar kual huntu ku e personal a elaborá ku Minister tokante trabounan di e servisio. Despues di esei Minister a haña un rekorido den e edifisio i demostrashon di instrumentonan ku ta keda uzá. Na AVB, despues ku Minister a sera konosí ku personal, a sigui un rekorido kaminda Minister por a tuma nota di e traktornan, animalnan ku AVB ta kria i proyekto di plantamentu. Na Asuntunan Veterinario Minister a keda risibí pa dr. Arnold Dwarkasing ku mediante un presentashon a duna tur informashon relashoná ku e servisio. A klousurá e bishita ku un rekorido den e abatuar. 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: