Tim di Beisbòl kampion Kopa Karibe ta haña rekonosementu di Gobièrnu
Tim di Beisbòl kampion Kopa Karibe ta haña rekonosementu di Gobièrnu
Geplaatst op 07 July 2021 dor di Ministerio Asuntunan General i Promé Minister
WILLEMSTAD – Beisbòlistanan di e tim di Kòrsou ku a bira kampion di Kopa Karibe tabata di bishita den Fòrti serka ministernan di gabinete Pisas. Einan nan a haña – pa medio di un ‘pin’ – nan rekonosementu ku nan a destaká i ta keda mirá komo bon Yu di Kòrsou. Ministernan tabata hopi orguyoso pa a risibí e tim di Beisbòl durante nan reunion semanal. E ‘pin’ a keda poné riba nan unifòrm p’asinei nan por bistié ku orguyo.
