Ta sigui ku mantenshon di railing parti nort di Koningin Julianabrug

 

Ta sigui ku mantenshon di railing parti nort di Koningin Julianabrug

 

Willemstad – Servisio pa Obra Públiko (OW) ta informá ku entrante djaluna 12 yüli ta sigui ku e trabounan di mantenshon na e railing (‘leuning’) di Koningin Julianabrug. Awor ta bai traha na e parti nort di brùg, pues e banda di refineria. E trabounan lo tin durashon di mas o ménos un luna.

 

Entretantu a kaba ku e trabounan na parti zùit i konsekuentemente mester pasa pa e banda nort. Lo tin bòrchi grandi di indikashon, miéntras ku lo tin e pilánan kòrá ku blanku aló largo di brùg kaminda trabounan ta tumando lugá.

 

Na e parti zùit lo laga e pilarnan di indikashon riba alsera, pasombra pronto lo mester hasi uso di nan atrobe na momentu ku trabounan di stral ku awa (‘waterstraling’) i fèrfmentu tin ku tuma lugá.

 

OW ta enfatisá ku lo no sera un via riba brùg pero simplemente outomobilistanan  mester kore ku hopi mas koutela riba brùg. OW ta pidi un poko pasenshi mas pa por finalisá e trabounan di mantenshon i  konservashon nesesario di brùg Juliana . Ta hasi un apelashon na tur ku ta trafiká riba brùg pa kòrda riba seguridat propio i esun di e trahadónan.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: