KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Karta di Frakshon di Partido Man pa Minister Presidente

 

Karta di Frakshon di Partido Man pa Minister Presidente

Miembro di Parlamento i líder di frakshon pa MAN mr. Giselle Mc. William a dirigí varios pregunta na Minister Presidente relashoná ku subida di tarifa di koriente relashoná ku e dil ku Global Oil. Den e karta Parlamentario Mc. William ta hasi varios pregunta ku mester trese mas klaridat riba e forma kon ta bai atende ku e presunto solushon di Minister Presidente i e subida di tarifa di koriente.

Na Minister Presidente i Asuntunan General di Kòrsou

Sr. G. Pisas

Fort Amsterdam #17

Presente

 

Tópiko: subida di tarifa di koriente

 

Willemstad, 6 ougùstùs 2024

 

Sr. Minister Presidente,

Frakshon di MAN a tuma nota den medionan di komunikashon ku Gabinete Pisas ta proponé komo solushon pa e hecho ku Global Oil, ke kobra Aqualectra, kompania di pueblo, un tarifa haltu haltu pa entrega di energia, pa RDK paga Global e tarifa haltu aki na lugá di Aqualectra. Global Oil ta un  kompania privá na kua RDK a entregá nos turbinanan den un dil ku pa nos no ta transparente. Nos ke sa si ta bèrdat ku a proponé pa RDK paga e tarifa mas haltu aki.

Esaki lo nifiká ku sèn ku mester drenta den kaha di pais for di divindendo risibí di RDK i of sèn ku mester bai pa reserva pa por invertí,  Gobièrnu tin pensá pa hinka den saku di Global Oil!

Minister Presidente Pisas a bisa resientemente ku ela laga Regluatory Authority Curaçao (RAC antes BTP) hasi un kálkulo kiko ta un tarifa hustu ku Global por kobra Aqualectra.

Nos tin e sigiente preguntanan.

  1. Kiko ta resultado di e kálkulo di tarifa hasí pa RAC/ BTP?
  2. ⁠Si e kálkulo no a sali ainda, ki dia nos por spera esaki?
  3. ⁠Basá riba lokual ku Global Oil kier kobra Aqualectra, por bisa kuantu esaki ta akumulá pa aña?
  4. ⁠Gobièrnu ta realisá ku si RDK paga Global Oil na lugá di Aqualectra, ta for di pueblo mes ta kita e sèn aki pa duna un partido priva?

Atentamente,

  1. G. Mc. William

Lider di Frakshon di MAN

639114718427035"
639114718427035"