Boneiru ta distinguí kuater nivel di riesgo pa biaheronan ku ta bini e isla

 

Boneiru ta distinguí kuater nivel di riesgo pa biaheronan ku ta bini e isla  

 

Kralendijk – Dentro di poko Boneiru ta distinguí kuater nivel di riesgo pa biaheronan ku ta bini e isla ku avion òf boto. E isla ta distinguí pais ku un nivel di riesgo hopi abou, abou, haltu i hopi haltu. Ta hasi distinshon tambe entre biahero ku ta kompletamente bakuná i biahero ku no ta kompletamente bakuná. E distinshon den kuater nivel di riesgo ta drenta na vigor for di djasabra 17 di yüli 2021, dentro di poko ta anunsiá e lista di pais di riesgo. For di 17 di yüli 2021 biaheronan for di 12 aña bai ariba ta obligá pa hasi tèst. Tur biahero pa Boneiru mester yena un Deklarashon di Salú entre 48 i 72 ora promé ku salida riba http://www.bonairecrisis.com.

 

Riesgo hopi abou

Biaheronan ku a bakuná i biaheronan ku no a bakuná for di paisnan ku riesgo hopi abou no tin mester di hasi tèst.

 

Riesgo abou

Biaheronan ku a bakuná for di paisnan ku riesgo abou no tin mester di hasi tèst. Biaheronan ku no a bakuná for di paisnan ku riesgo abou mester hasi un tèst di PCR dentro di 72 ora promé ku yegada na Boneiru, e resultado mester ta negativo.

 

Riesgo haltu

Biaheronan ku a bakuná for di paisnan ku riesgo haltu mester hasi un tèst di PCR dentro di 72 ora promé ku yegada. Biaheronan ku no a bakuná mester hasi un tèst di PCR dentro di 72 ora promé ku yegada i un tèst antigéniko na yegada na Aeropuerto Flamingo. Si hasi e tèst di PCR 24 ora promé ku salida, e ora ei ta anulá e obligashon pa hasi e tèst antigéniko na yegada.

 

Riesgo hopi haltu

Biaheronan ku a bakuná for di paisnan ku riesgo hopi haltu mester hasi un tèst di PCR dentro di 72 ora promé ku yegada. Biaheronan ku no a bakuná for di paisnan ku riesgo hopi haltu mester hasi e tèst di PCR dentro di 72 ora promé ku salida i e tèst antigéniko na yegada na Aeropuerto Flamingo. Si hasi e tèst di PCR 24 ora promé ku salida, e ora ei ta anulá e obligashon pa hasi e tèst antigéniko na yegada. Tur biahero ku a bakuná i biahero ku no a bakuná for di paisnan ku riesgo hopi haltu mester hasi un tèst di PCR grátis riba e di 5 dia despues di nan yegada. 

 

Biaha ku boto

Pa biaheronan ku ta biaha ku boto pa Boneiru ta difísil pa hasi un tèst di PCR 72 ora promé ku yegada. Nan tin mag di hasi e tèst 72 ora promé ku salida, i un tèst antigéniko na yegada na e isla.  

 

 

 

Bonaire onderscheidt vier risiconiveaus voor reizigers naar het eiland  

 

Kralendijk – Bonaire onderscheidt binnenkort vier risiconiveaus voor reizigers  die met het vliegtuig of de boot naar het eiland komen. Het eiland onderscheidt landen met een zeer laag, laag, hoog en zeer hoog risiconiveau. Er wordt ook onderscheid gemaakt tussen volledig gevaccineerde en  ongevaccineerde reizigers. Het onderscheid in vier risiconiveaus gaat vanaf zaterdag 17 juli 2021 in, de lijst met risicolanden wordt binnenkort bekend gemaakt. Vanaf 17 juli 2021 zijn reizigers van 12 jaar en ouder verplicht zich te laten testen.  Alle reizigers naar Bonaire moeten tussen de 48 en 72 uur voor vertrek een Gezondheidsverklaring invullen op http://www.bonairecrisis.com 

 

Zeer laag risico

Gevaccineerde en ongevaccineerde reizigers uit zeer laag risicolanden hoeven zich niet te laten testen.

 

Laag risico

Gevaccineerde reizigers uit laag risicolanden hoeven zich niet te laten testen. Ongevaccineerde reizigers uit laag risicolanden moeten binnen 72 uur voor aankomst op Bonaire een PCR test doen, het resultaat moet negatief zijn. 

 

Hoog risico

Gevaccineerde reizigers uit hoog risicolanden moeten binnen 72 voor aankomst een PCR test doen. Ongevaccineerde reizigers moeten binnen 72 uur voor aankomst een PCR  test doen en een antigeen test bij aankomst op Flamingo Airport. Als de PCR test 24 uur voor vertrek is afgenomen, vervalt de verplichting om bij aankomst de antigeentest te doen. 

 

Zeer hoog risico  

Gevaccineerde reizigers uit zeer hoog risicolanden moeten binnen72 uur voor aankomst een PCR test doen. Ongevaccineerde reizigers  uit zeer hoog risicolanden moeten binnen 72 uur voor vertrek de PCR test doen en de antigeen test bij aankomst op Flamingo Airport.  Als de PCR test 24 uur voor vertrek is afgenomen, vervalt de verplichting om bij aankomst de antigeentest te doen. Alle gevaccineerde en ongevaccineerde reizigers   uit zeer hoog risicolanden moeten op de vijfde dag na aankomst een gratis PCR test doen.  

 

Reizen per boot 

Voor reizigers die per boot naar Bonaire varen is het lastig om 72 uur voor aankomst een PCR test te doen. Ze mogen de test 72 uur voor vertrek doen, en een antigeentest bij aankomst op het eiland.