RUISANDRO CIJNTJE TA E KANTIDATO PA MINISTER DI EKONOMIA DI PARTIDO NASHONAL DI PUEBLO

 

RUISANDRO CIJNTJE TA E KANTIDATO PA MINISTER DI EKONOMIA DI PARTIDO NASHONAL DI PUEBLO

 

Den un sala yen ayera nochi na Kas di Pueblo, mayoria di miebronan a vota pa Ruisandro Cijntje bira e próksimo minister di ekonomia pa Partido Nashonal di Pueblo. 

 

Kos tabata kayente pero sano. Deskushon bai I bin. Tur hende a duna nan aporte. Direktiva a duna espasio amplio pa tur hende por a trese nan opinion dilanti demokrátikamente manera ta kustumber di Partido Nashonal di Pueblo.

No tabata fasil, ya ku tabatin hopi opinion. Pero finalmente a bin sali ku Ruisandro komo e kantidato ku mas voto. Sr. Sosa tabata e otro kantidato. E resultado a bira konosi algu prome ku 10or di anochi. 

 

Sala a aploudi Sr. Sosa na momentu ku ela hiba palabra despues di votashon i ela trese dilanti : “Mi ta sostene Sr. Cijntje i pabien yave”. Despues a hiba palabra Ruisandro ku a gradisi sala pa e sosten risibi. Ruisandro Cijntje a bisa ku e sa di e trabou pisá ku ta spere ora ku e bira minister I e la agregá” Mi ta bai pe, Ku esfuerso den tim nos ta gana e bataya aki.  NADA KU BIRA BIRA”, tabata su ultimo palabranan.  

 

Sra. Lider Mimi Larmonie-Cecilia ,lider,  a termina e reunion gradisiendo tur ku tabata presente i rekordá tur hende ku dia 29 di Juli 2021, e proseso lo sigui ku proposishon di nomber di sr Cijntje komo kandidato pa e kartera di Ekonomia den un A.L.V.

Eynan lo ratifiká e desishon tuma ayera nochi pa Konseho di Partido (Partijraad).

 

DIREKTIVA DI PARTIDO NASHONAL DI PUEBLO

This site uses Akismet to reduce spam. Learn how your comment data is processed.

error: Content is protected !!
%d bloggers like this: